ಬೀದಿನಾಯಿ ಕಾಟ: ದನ-ಕರುಗಳ ಜತೆಗೆ ವಾಹನ ಸವಾರರಿಗೆ ಈ ಮಾರ್ಗದಲ್ಲಿ ಬೀದಿ ನಾಯಿ ಕಾಟವೂ ಜೋರಾಗಿದೆ. ಪಂಜಿತ್ತೂರು ಕಟ್ಟ ಎಂಬಲ್ಲಿ ನದಿ ಬದಿಯಲ್ಲಿ ಅನಾಗರಿಕರು ತ್ಯಾಜ್ಯ ರಾಶಿ ತಂದು ಸುರಿಯುತ್ತಿದ್ದು, ಇದನ್ನು ತಿನ್ನಲು ಬರುವ ಬೀದಿ ನಾಯಿಗಳು ದ್ವಿಚಕ್ರ ವಾಹನ ಸವಾರರಿಗೆ ತೊಂದರೆ ನೀಡುತ್ತಿವೆ. ರಸ್ತೆ ತಿರುವಿನಲ್ಲಿ ಅಕಸ್ಮಾತ್ ಎದುರಾಗುವ ಬೀದಿನಾಯಿ ಹಿಂಡುಗಳಿಂದ ಪಾರಾಗುವುದೇ ಚಾಲಕರಿಗೆ ಸವಾಲಾಗಿದೆ.
ಮಳೆಗಾಲದಲ್ಲಿ ಗದ್ದೆಯಲ್ಲಿ ನೀರು ತುಂಬಿರುವುದರಿಂದ ದನ ಸಾಕುವವರು ರಸ್ತೆ ಬದಿ ಮೇಯಲು ಬಿಡುತ್ತಿದ್ದಾರೆ. ಇದರಿಂದ ವಾಹನ ಸವಾರರಿಗೆ ತೊಂದರೆಯಾಗುತ್ತಿದ್ದರೆ ಸೂಕ್ತ ಕ್ರಮ ಕೈಗೊಳ್ಳಲು ಬೀಟ್ ಪೊಲೀಸರಿಗೆ ಸೂಚನೆ ನೀಡಲಾಗುವುದು.
ಪ್ರಕಾಶ್, ವೃತ್ತ ನಿರೀಕ್ಷಕರು, ಕಾಪು
ರಸ್ತೆ ಬದಿ ದನಗಳನ್ನು ಮೇಯಲು ಬಿಡುವುದರಿಂದ ವಾಹನ ಸವಾರರಿಗೆ ಹಾಗೂ ಪಾದಚಾರಿಗಳಿಗೆ ತೊಂದರೆಯಾಗುತ್ತಿದೆ. ಈ ಬಗ್ಗೆ ಅನೇಕ ಮಂದಿ ದೂರು ನೀಡಿದ್ದಾರೆ. ಸಂಬಂಧಪಟ್ಟವರಿಗೆ ಹಲವು ಬಾರಿ ಮಾಹಿತಿ ನೀಡಿದ್ದರೂ ಪ್ರಯೋಜನವಾಗಿಲ್ಲ. ಯಥಾಸ್ಥಿತಿ ಮುಂದುವರಿದರೆ ಗ್ರಾಪಂ ಮೂಲಕ ಕಾನೂನು ಕ್ರಮ ಕೈಗೊಳ್ಳಲಾಗುವುದು.
ಸಂದೀಪ್ ಗ್ರಾಪಂ ಸದಸ್ಯ, ಮಜೂರು ಗ್ರಾಪಂ
