ಟೆಂಡರ್ ಪ್ರಕ್ರಿಯೆ ಮುಗಿದ ನಂತರ ರಸ್ತೆ ನಿರ್ಮಾಣ ಆಗಿದೆ. 15 ದಿನಗಳಿಂದ ರಸ್ತೆ ನಿರ್ಮಾಣ ಕಾರ್ಯ ಮುಂದುವರಿದಿದೆ. ಆದರೆ, ಕಾಮಗಾರಿ ಮುಂದೆ ಸಾಗಿದಂತೆ ಹಿಂದಿನಿಂದ ಹೊಸದಾಗಿ ನಿರ್ಮಿಸಲಾಗಿರುವ ಡಾಂಬಾರು ರಸ್ತೆ ಕಿತ್ತು ಬರುತ್ತಿದೆ. ಹುಲ್ಲೇನಹಳ್ಳಿ ರೈತ ಮಂಜಣ್ಣ ಎನ್ನುವವರು ಸ್ವತಃ ರಸ್ತೆ ಕಾಮಗಾರಿ ಗುಣಮಟ್ಟ ಪರೀಕ್ಷಿಸಿದ್ದು, ರಸ್ತೆಗೆ ಅಂಟಿಕೊಂಡಿರಬೇಕಾದ ಡಾಂಬಾರು, ತರಗೆಲೆಯಂತೆ ಕೈಗೆ ಸಿಗುತ್ತಿರುವುದನ್ನು ಕಂಡಿದೆ. ನಾಲ್ಕೂ ಮುಕ್ಕಾಲು ಕೋಟಿ ರೂಪಾಯಿ ವೆಚ್ಚದ ಕಳಪೆ ಕಾಮಗಾರಿ ಕುರಿತು ಸಂಬಂಧಪಟ್ಟ ಅಧಿಕಾರಿ ಗಮನಕ್ಕೆ ತಂದಾಗ, ಕಳಪೆ ಕಾಮಗಾರಿ ನಡೆದಿರುವುದನ್ನು ಒಪ್ಪಿಕೊಂಡಿರುವ ಇಂಜಿನಿಯರ್ ಇದುವರೆಗೂ ಸೂಕ್ತ ಕ್ರಮಕ್ಕೆ ಮುಂದಾಗದಿರುವುದು ಗ್ರಾಮಸ್ಥರ ಆಕ್ರೋಶಕ್ಕೆ ಕಾರಣವಾಗಿದೆ.
