ತಾಲೂಕಿನ ಕೋಡ್ಸರ-ಮುಠ್ಠಳ್ಳಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಕಲಾ ಭಾಸ್ಕರ ಇಟಗಿ ಅವರು ಆಯೋಜಿಸಿದ್ದ ಸರಣಿ ತಾಳಮದ್ದಳೆ ಕಾರ್ಯಕ್ರಮದ ಸಮಾರೋಪ ಸಮಾರಂಭದಲ್ಲಿ ಅವರು ಮಾತನಾಡಿದರು. ವೇಷಭೂಷಣ, ಕುಣಿತ ಅಭಿನಯಗಳಿಲ್ಲದೇ ಕೇವಲ ಮಾತುಗಾರಿಕೆಯ ಮೂಲಕವಾಗಿ ಆಯ್ದುಕೊಂಡ ಕಥಾಭಾಗದ ಪ್ರಸ್ತುತಿ ಇಲ್ಲಿ ನಡೆಯುತ್ತದೆ. ಕೇವಲ ಸಿದ್ಧ ಪಠ್ಯದ ಮಾತುಗಾರಿಕೆ ಅಲ್ಲ. ಒಂದೇ ಕಥೆಯು ಕಲಾವಿದರ ಸೃಜನಶೀಲತೆಯಿಂದ ಪ್ರತಿದಿನವೂ ವಿಭಿನ್ನವಾಗಿಯೇ ಚಿತ್ರಿತವಾಗುತ್ತದೆ. ಸೃಜನಶೀಲತೆಯಿಂದ ಒಳಗೊಂಡ ಮಾತುಕತೆ ಮಾತ್ರ ನಾಟಕವನ್ನು ಕಟ್ಟಿಕೊಡಬಲ್ಲದು. ಕಲಾವಿದ ಎಷ್ಟು ಸಂಭಾಷಣಾ ಚತುರ ಹಾಗೂ ಸೃಜನಶೀಲನಾಗಿರುತ್ತಾನೋ ತಾಳಮದ್ದಳೆ ಅಷ್ಟು ಉತ್ತಮವಾಗಿ ಸಾಗುತ್ತದೆ ಎಂದರು.
