ರಾಜ್ಯದ ದೊಡ್ಡಕೆರೆಗಳಲ್ಲಿ ಒಂದಾದ ಕುಣಿಗಲ್ ಕೆರೆಯು ಐದು ಮತ್ತು ಆರನೇ ಶತಮಾನದ ಇತಿಹಾಸ ಹೊಂದಿದೆ. 20&30 ವರ್ಷಗಳ ಹಿಂದೆ ಶಿವಗಂಗೆ ಬೆಟ್ಟ, ನೇರಳೆ ಕೆರೆ, ಸಂಕೀಘಟ್ಟ ಕೆರೆ, ತಿಪ್ಪಸಂದ್ರ ಕೆರೆ ಸೇರಿದಂತೆ ಮೊದಲಾದ ಕೆರೆ ತುಂಬಿ ಕುಣಿಗಲ್ ದೊಡ್ಡಕೆರೆಗೆ ಹರಿದು ಬರುತ್ತಿದ್ದವು. ಹೀಗಾಗಿ ಕುಣಿಗಲ್ ಕೆರೆಯು ಸದಾ ತುಂಬಿ ಕೋಡಿ ಬೀಳುತ್ತಿತ್ತು. ಆದರೆ, ಬದಲಾದ ವ್ಯವಸ್ಥೆಯಿಂದ ವಿವಿಧ ಕೆರೆಗಳಿದ ಕುಣಿಗಲ್ ದೊಡ್ಡಕೆರೆಗೆ ಹರಿಯಬೇಕಾದ ಒಳ ಹರಿವಿನ ಪ್ರಮಾಣ ಕಡಿಮೆಯಾಗಿ ತನ್ನ ಐತಿಹಾಸಿಕ ಪರಂಪರೆ ಕಳೆದುಕೊಳ್ಳುತ್ತಿದೆ. ಆದರೆ, ಮಾಜಿ ಸಚಿವರಾದ ಎನ್.ಹುಚ್ಚಮಾಸ್ತಿಗೌಡ, ವೈ.ಕೆ.ರಾಮಯ್ಯ, ಡಿ.ನಾಗರಾಜಯ್ಯ, ಮಾಜಿ ಶಾಸಕರಾದ ಎಸ್.ಪಿ.ಮುದ್ದಹನುಮೇಗೌಡ, ಎಚ್.ನಿಂಗಪ್ಪ, ಬಿ.ಬಿ.ರಾಮಸ್ವಾಮಿಗೌಡ, ಶಾಸಕ ಡಾ.ಎಚ್.ಡಿ.ರಂಗನಾಥ್ ಅವರ ಶ್ರಮದಿಂದ ಕುಣಿಗಲ್ ದೊಡ್ಡಕೆರೆಗೆ ಹೇಮಾವತಿ ನೀರು ತಾಲೂಕಿನಾದ್ಯಂತ ಕೆರೆಕಟ್ಟೆಗಳಿಗೆ ಹರಿದು ಜನ ಜಾನುವಾರಗಳ ಕುಡಿಯುವ ನೀರು ಮತ್ತು ರೈತರ ಬೆಳೆಗೆ ಅನುಕೂಲವಾಗಿದೆ.
