ಪ್ರಜಾಪ್ರಭುತ್ವ ಗ್ರಂಥ ಗೌರವಿಸಿ

ವಿಜಯಪುರ : ಡಾ. ಬಿ.ಆರ್​. ಅಂಬೇಡ್ಕರ್​ ನಮ್ಮ ದೇಶಕ್ಕೆ ನೀಡಿದ ಸಂವಿಧಾನವನ್ನು ನಾವೆಲ್ಲರೂ ಗೌರವಿಸುವ ಜತೆಗೆ ಅದರ ಆಶಯಕ್ಕೆ ಅನುಗುಣವಾಗಿ ನಡೆದುಕೊಳ್ಳಬೇಕು ಎಂದು ರಾಮಕೃಷ್ಣ ವಿದ್ಯಾಸಂಸ್ಥೆಯ ಆಡಳಿತಾಧಿಕಾರಿ ದಿಲೀಪಕುಮಾರ ಪೂಜಾರಿ ಹೇಳಿದರು.

ಇಲ್ಲಿನ ಶಾಂತವೀರ ನಗರದ ಶ್ರೀ ರಾಮಕೃಷ್ಣ ವಿದ್ಯಾಸಂಸ್ಥೆಯಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ಡಾ. ಬಿ.ಆರ್​. ಅಂಬೇಡ್ಕರ್​ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿ, ಯುವಜನತೆ ಅಂಬೇಡ್ಕರ್​ ಅವರ ತತ್ವ, ಆದರ್ಶಗಳನ್ನು ಪಾಲಿಸಬೇಕು ಎಂದು ಸಲಹೆ ನೀಡಿದರು.

ಪ್ರಾಚಾರ್ಯ ಮಹೇಶ್ವರಪ್ಪ ಡಿ. ಮಾತನಾಡಿ, ಅಂಬೇಡ್ಕರ್​ ಅವರ ಜೀವನ, ವಿದ್ಯಾಭ್ಯಾಸ ಹಾಗೂ ಸಾಧನೆಗಳನ್ನು ಕುರಿತು ವಿದ್ಯಾರ್ಥಿಗಳಿಗೆ ತಿಳಿಸಿದರು. ವೈಷ್ಣವಿ ಪೂಜಾರಿ ಅಂಬೇಡ್ಕರ್​ ಅವರ ಬಗ್ಗೆ ಸಂಪ್ತ ಮಾಹಿತಿ ತಿಳಿಸಿದರು.

ಸಂಸ್ಥೆಯ ಸಹ ಸಂಯೋಜಕಿ ಶಿವಲೀಲಾ ಪೂಜಾರಿ, ಕಾರ್ಯದರ್ಶಿ ನೀಲಮ್ಮ ಪೂಜಾರಿ, ಮುಖ್ಯ ಗುರುಮಾತೆ ಹರಜೋತ ಕೌರ್​ ವೇದಿಕೆಯಲ್ಲಿದ್ದರು. ಶಿಕಿ ಅನಿತಾ ಗಡೇರ ನಿರೂಪಿಸಿ ವಂದಿಸಿದರು.