ಮಡಿಕೇರಿಯಿಂದ ೧೧.೩೦ಕ್ಕೆ ಹೊರಟು ಮಾದಾಪುರ ಸೂರ್ಲಬ್ಬಿ, ಹರಗ, ತಾಕೇರಿ ಮಾರ್ಗವಾಗಿ ಸೋಮವಾರಪೇಟೆಗೆ ಬಸ್ ತೆರಳಬೇಕು. ಜತೆಗೆ ಈಗ ಬೆಳಿಗ್ಗೆ ಮಡಿಕೇರಿಯಿಂದ ೭.೩೦ಕ್ಕೆ ಮಡಿಕೇರಿ ಬಿಟ್ಟು ಸೂರ್ಲಬ್ಬಿ, ಶಾಂತಳ್ಳಿ, ಸೋಮವಾರಪೇಟೆ, ಕುಶಾಲನಗರ ಮತ್ತು ಇದೆ ಮಾರ್ಗವಾಗಿ ಹಿಂತಿರುಗುವ ಬಸ್ ಸಕಾಲಕ್ಕೆ ಬಾರದೆ ಶಾಲಾ ಮಕ್ಕಳಿಗೂ ರೈತರ ಕೆಲಸ ಕಾರ್ಯಕ್ಕೆ, ಕಛೇರಿಗೆ ತೆರಳುವವರಿಗೂ ತುಂಬಾ ತೊಂದರೆಯಾಗುತ್ತಿದೆ. ಈ ಬಸ್ಸನ್ನು ನಿಗದಿತ ಸಮಯಕ್ಕೆ ನಿತ್ಯ ಸಂಚರಿಸಲು ಅವಕಾಶ ಕಲ್ಪಿಸಿಕೊಡುವಂತೆ ಮನವಿ ಮಾಡಿರುವ ಗ್ರಾಮಸ್ಥರು, ಬೇಡಿಕೆ ಈಡೇರಿಸದಿದ್ದಲ್ಲಿ ಮಡಿಕೇರಿ ಘಟಕದಿಂದ ಹೊರಡುವ ಎಲ್ಲಾ ಬಸ್ಗಳನ್ನು ತಡೆದು ಧರಣಿ ನಡೆಸುವುದಾಗಿ ಗ್ರಾಮಸ್ಥರು ಎಚ್ಚರಿಸಿದ್ದಾರೆ.
