ಆನೇಕಲ್ ತಾಲೂಕಿನಲ್ಲಿ 5 ಕೈಗಾರಿಕಾ ಪ್ರದೇಶಗಳು, ನಾಲ್ಕು ವಸತಿ ಬಡಾವಣೆಗಳು ನಿರ್ಮಾಣವಾಗಿದ್ದು, 20ವರ್ಷಗಳ ಹಿಂದೆ ಫೆರಿಫಲ್ ರಿಂಗ್ ರೋಡ್ ಮತ್ತು ರಾಷ್ಟ್ರೀಯ ಹೆದ್ದಾರಿಗಳಿಗೆ ಸಾವಿರಾರು ಎಕರೆ ಜಮೀನನ್ನು ವಶಪಡಿಸಿಕೊಂಡಿದೆ. ಆದರೂ ತಾಲೂಕಿನಲ್ಲಿ ಸರ್ಕಾರ ಭೂಸ್ವಾಧಿನಕ್ಕೆ ಮುಂದಾಗಿರುವುದು ದುರಂತ ಎಂದು ಆತಂಕವ್ಯಕ್ತಪಡಿಸಿದರು. ತಾಲೂಕು ಪಂಚಾಯಿತಿ ಮಾಜಿ ಸದಸ್ಯ ರವೀಂದ್ರ ಮಾತನಾಡಿ, ಎಲೆಕ್ಟ್ರಾನಿಕ್ ಸಿಟಿ, ಜಿಗಣಿ, ಬೊಮ್ಮಸಂದ್ರ, ವೀರಸಂದ್ರ ಮತ್ತು ಅತ್ತಿಬೆಲೆ ಕೈಗಾರಿಕಾ ಪ್ರದೇಶದಲ್ಲಿರುವ ಕಾರ್ಖಾನೆಗಳ ತ್ಯಾಜ್ಯ ಮತ್ತು ಕಲ್ಮಶಗಳಿಂದ ತಾಲೂಕಿನ ಬಹುತೇಖ ಕೆರೆಗಳು ಕಲುಷಿತವಾಗಿದ್ದು, ಶುದ್ಧ ಪರಿಸರಕ್ಕೆ ಮಾರಕವಾಗಿದೆ. ಹಾಗಾಗಿ ಸರ್ಜಾಪುರ ರೈತರು ಕೃಷಿ ಆಧಾರಿತ ಚಟುವಟಿಕೆಗಳಾದ ತೋಟಗಾರಿಕೆ ಬೆಳೆಗಳು ಮತ್ತು ಹೂವು ಬೆಳೆದು ಜತೆಗೆ ಪ್ರತಿ ಗ್ರಾಮ ಪ್ರತಿ ಕುಟುಂಬದಲ್ಲಿ ಹೈನುಗಾರಿಕೆ ಮೂಲಕ ಜೀವನೋಪಾಯಕ್ಕಾಗಿ ಬದುಕು ಕಟ್ಟಿಕೊಂಡಿದ್ದಾರೆ. ಸದರಿ ಜಮೀನುಗಳ ಭೂಸ್ವಾಧಿನವಾದರೆ ಸಾವಿರಾರು ಕುಟುಂಬಗಳು ಬೀದಿ ಪಾಲಾಗುತ್ತವೆ. ಆದ್ದರಿಂದ ಕೂಡಲೇ ಸರ್ಕಾರ ಆನೇಕಲ್ ತಾಲೂಕಿನಲ್ಲಿ ಭೂಸ್ವಾದಿನ ಪ್ರಕ್ರಿಯೆ ಕೈ ಬಿಡಬೇಕು ಎಂದು ಒತ್ತಾಯಿಸಿದರು. ತಾಲೂಕು ಭೂ ಸ್ವಾಧಿನ ವಿರೋಧಿ ಹೋರಾಟ ಸಮಿತಿ ಹೋರಾಟಕ್ಕೆ ಅನುಕೂಲವಾಗಲೆಂದು ದೊಮ್ಮಸಂದ್ರ ಗ್ರಾಪಂ ಸದಸ್ಯ ಬಿ.ಸಿ.ಉಮೇಶ್ ಬಾಬು 50,000 ಸಾವಿರ ರೂಪಾಯಿ ನೆರವು ನೀಡಿದರು. ದೊಮ್ಮಸಂದ್ರ ಗ್ರಾಪಂ ಸದ್ಯಸರಾದ ಕೆ.ಸುರೇಶ್, ರಾಜೇಶ್, ನಾರಾಯಣಪ್ಪ, ಕೃಷ್ಣಾರೆಡ್ಡಿ, ಸಂತೋಷ್, ಮುರಳಿ, ಮುಖಂಡರಾದ ಜಯಣ್ಣ, ಶ್ರೀನಿವಾಸರೆಡ್ಡಿ, ಅಶೋಕರೆಡ್ಡಿ, ಸೀನಾ, ರಾಮಕೃಷ್ಣ, ಮಧು ಬಾಬು, ಕಾರ್ತಿಕ್ ಇತರರು ಇದ್ದರು.
