ತಾಲೂಕಿನ ಮುಳುಬಾಗಿಲು ಗ್ರಾಪಂ ವ್ಯಾಪ್ತಿಯ ಬಿಳಾಲು ಕೊಪ್ಪ ಸರ್ಕಾರಿ ಪ್ರೌಢಶಾಲೆಯಲ್ಲಿ ಸೋಮವಾರ ಏರ್ಪಡಿಸಿದ್ದ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದಲ್ಲಿ ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ ಉತ್ತೀರ್ಣರಾದ 34 ವಿದ್ಯಾರ್ಥಿಗಳಿಗೆ ವೈಯಕ್ತಿಕ ತಲಾ ಒಂದು ಸಾವಿರ ರೂ. ನಗದು ಪುರಸ್ಕಾರ ನೀಡಿ ಗೌರವಿಸಿ ಅವರು ಮಾತನಾಡಿದರು.
ಈ ಸರ್ಕಾರಿ ಪ್ರೌಢಶಾಲೆ ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ ಸತತವಾಗಿ ಶೇ.100 ಫಲಿತಾಂಶ ಪಡೆಯುತ್ತಿದ್ದು, ಇಲ್ಲಿನ ಶಿಕ್ಷಕರ ಕಾರ್ಯವೈಖರಿ ಉಳಿದವರಿಗೆ ಮಾದರಿ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ಬಡ ಕುಟುಂಬದ ಹಿನ್ನೆಲೆಯ ನನಗೆ ಅನ್ನ, ಬಟ್ಟೆ ನೀಡಿ ಬದುಕನ್ನು ರೂಪಿಸಿದ ಪುಣ್ಯಾತ್ಮರಿಂದಾಗಿ ನಾನು ಇಂದು ಈ ಸ್ಥಾನಕ್ಕೇರಲು ಸಾಧ್ಯವಾಯಿತು. ಅವಕಾಶ ದೊರೆತಲ್ಲಿ ಬಡವರು ಯಾವ ಎತ್ತರಕ್ಕೆ ಏರಬಹುದು ಎಂಬುದಕ್ಕೆ ಚಾ ಮಾರಾಟ ಮಾಡಿ ಬದುಕು ಸಾಗಿಸುತ್ತಿದ್ದು ಪ್ರಧಾನಿ ಸ್ಥಾನಕ್ಕೇರಿರುವ ನರೇಂದ್ರ ಮೋದಿ ಅವರೇ ಉದಾಹರಣೆ. ಜಾಗತಿಕವಾಗಿ ಹಾವಾಡಿಗರ ಬಡ ದೇಶವೆಂದು ಅಪಹಾಸ್ಯಕ್ಕೀಡಾಗಿದ್ದ ಈ ದೇಶದ ಘನತೆಯನ್ನು ಎತ್ತಿ ಹಿಡಿಯುವುದು ಸಾಮಾನ್ಯದ ಮಾತಲ್ಲ. ಒಂದು ದೇಶದ ಅಧ್ಯಕ್ಷರಾದವರು ಮೋದಿ ಅವರ ಕಾಲು ಮುಟ್ಟಿ ನಮಸ್ಕಾರ ಮಾಡಿರುವುದು ಈ ದೇಶದ 140 ಕೋಟಿ ಜನರಿಗೆ ಸಂದ ಗೌರವವೂ ಆಗಿದೆ ಎಂದು ಹೇಳಿದರು.
ಮುಳುಬಾಗಿಲು ಗ್ರಾಪಂ ಅಧ್ಯಕ್ಷ ಬಿ.ಆರ್.ಮೋಹನ್, ಉಪಾಧ್ಯಕ್ಷೆ ಛಾಯಾ ಅಶೋಕ್, ತಾಪಂ ಮಾಜಿ ಸದಸ್ಯೆ ಗೀತಾ ಶೆಟ್ಟಿ, ಬಿಇಒ ವೈ.ಗಣೇಶ್, ಹೊಸಳ್ಳಿ ಮಂಡಲ ಮಾಜಿ ಪ್ರಧಾನ ಕೊಡಸಗೊಳ್ಳಿ ಶ್ಯಾಮಣ್ಣ ಇತರರಿದ್ದರು.
