ಯೋಧರ ತ್ಯಾಗ, ಬಲಿದಾನ ಸ್ಮರಿಸಿ

ಮಾನ್ವಿ: ಕಾರ್ಗಿಲ್ ಯುದ್ಧದಲ್ಲಿ ಭಾರತೀಯ ಸೇನೆಯ 527 ಯೋಧರು ಹುತಾತ್ಮರಾದರು. ಆದ್ದರಿಂದ ಸೈನಿಕರ ತ್ಯಾಗ, ಬಲಿದಾನವನ್ನು ಪ್ರತಿಯೊಬ್ಬರೂ ಸ್ಮರಿಸಬೇಕು ಎಂದು ಮಾಜಿ ಯೋಧ ಆಂಜನೇಯ ನಸ್ಲಾಪುರ ಹೇಳಿದರು.

ಇದನ್ನೂ ಓದಿ: ವಿದ್ಯಾರ್ಥಿಗಳು ಭವಿಷ್ಯದಲ್ಲಿ ಯೋಧರಾಗಿ: ಹರೀಶ್ ಎಸ್.ಇಂಜಾಡಿ ಕರೆ 

ಕಾರ್ಗಿಲ್ ವಿಜಯ್ ದಿವಸ್ ನಿಮಿತ್ತ ಮಾಜಿ ಯೋಧರು ಪಟ್ಟಣದ ರಾಯಚೂರು ರಸ್ತೆಯಲ್ಲಿನ ಹುತಾತ್ಮ ವೀರಯೋಧ ಮಂಜುನಾಥ ಅಂಗಡಿ ಸಾದಪುರ ಪುತ್ಥಳಿ ಬಳಿ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಭಾನುವಾರ ಮಾತನಾಡಿದರು. ಮಾನ್ವಿ-ಸಿರವಾರ ತಾಲೂಕಿನ ಕೇಂದ್ರೀಯ ಸಶಸ್ತ್ರ ಪಡೆಗಳ ಮಾಜಿ ಯೋಧರ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಬಸವರಾಜ ನಾಯಕ ಮುಷ್ಟೂರು, ಉಪನ್ಯಾಸಕರಾದ ಡಾ.ಹುಲಿಯಪ್ಪ ದುಮತಿ, ಅಂಬಣ್ಣ ನಾಯಕ ಉಮಳಿ ಹೊಸೂರ್, ಮಾಜಿ ಸೈನಿಕರಾದ ತಿಪ್ಪಣ್ಣ ಹರವಿ, ಜೆಲ್ಲಿ ಆಂಜನೇಯ್ಯ ನೀರಮಾನ್ವಿ, ಓಬಳೇಶ್ ನಾಯ್ಕ ಇತರರಿದ್ದರು.