ವಿಜಯವಾಣಿ ಸುದ್ದಿಜಾಲ ಧಾರವಾಡ
ನಗರದ ಮಾಸ್ಟರ್ ರೆಹಾನ್ ಮಲಿಕ್ ನದಾಫ್ (60 ಕೆಜಿ ಬಾಲಕರು, ಅಲಿಶ್ ಬೆಲ್ಟ್ ರೆಸ್ಲಿಂಗ್) ರಷ್ಯಾದ ಯಾಕುಟಿಯಾದ ನಡೆಯಲಿರುವ 8ನೇ ಏಷ್ಯಾದ ಮಕ್ಕಳ ಅಂತರರಾಷ್ಟ್ರೀಯ ಕ್ರೀಡಾಕೂಟ 2024ರಲ್ಲಿ ಭಾಗವಹಿಸಲು ಎಐಟಿಡಬ್ಲುಪಿ ಭಾರತೀಯ ತಂಡಕ್ಕೆ ಆಯ್ಕೆಯಾಗಿದ್ದಾರೆ.
ರೆಹಾನ್ ಜತೆಗೆ ತಂತಿ ದೆಬಾಂಗನ್, ಕ್ರಿಶ್ ಜೆತೆನ್, ಯುಗಾಮ್, ತೇಜಸ್ ಸಹ ತಂಡದಲ್ಲಿದ್ದಾರೆ. ಕ್ರೀಡಾಕೂಟವನ್ನು ಜೂ. 25 ರಿಂದ ಜು. 7ರಂದು ರಷ್ಯಾದ ಒಕ್ಕೂಟದ ಕ್ರೀಡಾ ಸಚಿವಾಲಯ, ಸಖಾ ಗಣರಾಜ್ಯದ ಸರ್ಕಾರದಿಂದ ಆಯೋಜಿಸಿದೆ. ರಷ್ಯಾದ (ಯಾಕುಟಿಯಾ) ಒಲಿಂಪಿಕ್ ಸಮಿತಿ ಮತ್ತು ಚಿಲ್ಡನ್ ಆಫ್ ಏಷ್ಯಾ ಇಂಟರ್ ನ್ಯಾಷನಲ್ ಬೆಂಬಲದೊಂದಿಗೆ ಸಮಿತಿ, ವರ್ಲ್ಡ್ ಅಲಿಶ್ ಫೆಡರೇಶನ್ ಅನುಮತಿಯೊಂದಿಗೆ ಸ್ಪರ್ಧೆಗಳು ನಡೆಯಲಿವೆ.
ಭಾರತೀಯ ತಂಡ ಮೂರು ಸಾಂಪ್ರದಾಯಿಕ ಕುಸ್ತಿ ಶೈಲಿಗಳಲ್ಲಿ ಅಲಿಶ್ ಬೆಲ್ಟ್ ರೆಸ್ಲಿಂಗ್, ಮಾಸ್- ರೆಸ್ಲಿಂಗ್ ಮತ್ತು ಕಾಪ್ಸಗಾಯ್ ರೆಸ್ಲಿಂಗ್ನಲ್ಲಿ ಭಾಗವಹಿಸಲಿದೆ ಎಂದು ಎಐಟಿಡಬ್ಲುಪಿ ಅಧ್ಯಕ್ಷ ಒಮರ್ ಮುಕ್ತರ ತಾಂಬೊಳಿ ತಿಳಿಸಿದ್ದಾರೆ. ಭಾರತ ತಂಡಕ್ಕೆ ಆಯ್ಕೆಯಾದ ಕ್ರೀಡಾಪಟುಗಳು ಸ್ಪರ್ಧೆಯಲ್ಲಿ ಜಯಗಳಿಸಿ ದೇಶದ ಕೀತಿ೯ ಹೆಚ್ಚಿಸಲಿ ಎಂದು ಧಾರವಾಡ ಅಂಜುಮನ್ ಶಿಕ್ಷಣ ಸಂಸ್ಥೆ ಅಧ್ಯಕ್ಷ ಇಸ್ಮಾಯಿಲ್ ತಮಾಟಗಾರ ಹಾಗೂ ಸದಸ್ಯರು ಶುಭ ಹಾರೈಸಿದ್ದಾರೆ.
