ತಾಪಂನಲ್ಲಿ 3 ದಿನಗಳ ಎನ್ಆರ್ಎಲ್ಎಂ ಯೋಜನೆಯ ಸ್ವಸಹಾಯ ಸಂಘಗಳ ಮತ್ತು ಸಂಜೀವಿನಿ ಗ್ರಾಮ ಮಟ್ಟದ 14 ಗ್ರಾಪಂಗಳ ಒಕ್ಕೂಟದ ಮುಖ್ಯಪುಸ್ತಕ ಬರಹಗಾರರಿಗೆ ಆಯೋಜಿಸಿದ್ದ ತರಬೇತಿ ಸಮಾರೋಪದಲ್ಲಿ ಮಾತನಾಡಿದರು.
ಇನ್ನುಮುಂದೆ ಎಲ್ಲ ಆರ್ಥಿಕ ವ್ಯವಹಾರ ಕಂಪ್ಯೂಟರ್ ಮೂಲಕ ನಡೆಸಲಾಗುತ್ತದೆ. ಎಲ್ಲ ಪುಸ್ತಕ ಬರಹಗಾರರು ನಿಗದಿತ ಸಮಯಕ್ಕೆ ಸರಿಯಾಗಿ ಎಲ್ಲ ಮಾಹಿತಿಯನ್ನು ಲೋಕೋಸ್ ತಂತ್ರಾಂಶದಲ್ಲಿ ದಾಖಲಿಸಬೇಕು. ತಾಲೂಕಿನ ಪ್ರಗತಿಯನ್ನು ಜಿಲ್ಲೆಯಲ್ಲೇ ಮೊದಲ ಸ್ಥಾನಕ್ಕೆ ತರಬೇಕು ಎಂದು ತಿಳಿಸಿದರು.
ತರಬೇತುದಾರರಾಗಿ ಆಗಮಿಸಿದ್ದ ಜಿಲ್ಲಾ ಅಭಿಯಾನ ನಿರ್ವಹಣ ಘಟಕದ ಡಿಎಂಐಎಸ್ ಭರತ್ ಮಾತನಾಡಿ, 3 ದಿನ ತರಬೇತಿ ನೀಡಲಾಗಿದೆ. ಇನ್ನೂ ಹೆಚ್ಚಿನ ತರಬೇತಿ ಅವಶ್ಯಕತೆ ಇದ್ದಲ್ಲಿ ನೀಡಲಾಗುವುದು. ಯಾವುದೇ ಸಮಸ್ಯೆ ಇದ್ದರೆ ಹೇಳಿದರೆ ಬಗೆಹರಿಸಿಕೊಡುತ್ತೇವೆ ಎಂದರು.
ಎನ್ಆರ್ಎಲ್ಎಂ ಯೋಜನೆ ಕಾರ್ಯಕ್ರಮ ಸಂಯೋಜಕ ಸುಬ್ರಹ್ಮಣ್ಯ ಮಾತನಾಡಿ, ಸ್ವಸಹಾಯ ಸಂಘಗಳ ಹಾಗೂ ಗ್ರಾಮ ಪಂಚಾಯಿತಿ ಮಟ್ಟದ ಎಲ್ಲ ವ್ಯವಹಾರ ಕ್ರೋಢೀಕರಿಸುವ ಜವಾಬ್ದಾರಿ ಮುಖ್ಯಪುಸ್ತಕ ಬರಹಗಾರರ ಮೇಲಿದೆ. ಲೋಕೋಸ್ ತಂತ್ರಾಂಶದ ಹಣದ ತರಬೇತಿ ಮುಖ್ಯವಾಗಿದೆ. ಮುಂದಿನ ದಿನಗಳಲ್ಲಿ ತರಬೇತಿಗಳು ನಿರಂತರವಾಗಿ ಮುಂದುವರಿಯಲಿವೆ ಎಂದು ಹೇಳಿದರು.
ಎನ್.ಆರ್.ಪುರ ತಾಲೂಕು ಸಂಜೀವಿನಿ ಒಕ್ಕೂಟದ ಉಪಾಧ್ಯಕ್ಷೆ ಶಿಬಿ ಮರಿಯಮ್ಮ, ತಾಲೂಕು ಒಕ್ಕೂಟದ ಖಜಾಂಚಿ ಡಯನಾ, ತರಬೇತುದಾರರಾದ ಭರತ್, ರಾಜೇಶ್, ಚೇತನ್, ಕಿಶೋರ್ಕುಮಾರ್, ಶ್ವೇತಾ ಇದ್ದರು.
