ಡಿ. 28ರಂದು 105090 ಚೀಲ, 31ರಂದು 101738 ಚೀಲ ಹಾಗೂ ಜ. 4ರಂದು 122722 ಚೀಲಗಳು ಆವಕವಾಗಿದ್ದು, ಮಾರುಕಟ್ಟೆ ವಾರದಿಂದ ವಾರಕ್ಕೆ ಏರಿಕೆಯತ್ತ ಸಾಗಿದೆ. ಡಬ್ಬಿ ತಳಿಗೆ ಕಳೆದ ವಾರ ಕ್ವಿಂಟಾಲ್ಗೆ 55,239 ರೂ. ದರದಲ್ಲಿ ಮಾರಾಟವಾಗಿ ದಾಖಲೆ ಸೃಷ್ಟಿಸಿದೆ. ಖರೀದಿದಾರರು ಹಾಗೂ ದಲ್ಲಾಳಿಗಳಲ್ಲಿ ಸಂತಸ ಇಮ್ಮಡಿಗೊಳಿಸಿದ್ದು, ಮಾರುಕಟ್ಟೆ ಬೆಳವಣಿಗೆ, ಮಾರುಕಟ್ಟೆ ಶುಲ್ಕ ಸಂಗ್ರಹ ಹೆಚ್ಚಲಿದೆ. ಸೋಮವಾರ ಕಡ್ಡಿ ಕ್ವಿಂಟಾಲ್ಗೆ 1569 ರಿಂದ 32009 ರೂ., ಡಬ್ಬಿತಳಿ 2589 ರಿಂದ 48009 ರೂ., ಗುಂಟೂರು 760 ರಿಂದ 13809 ರೂ. ದರದಲ್ಲಿ ಮಾರಾಟವಾಗಿವೆ. ಒಟ್ಟು 257 ದಲಾಲರ ಅಂಗಡಿಯಲ್ಲಿ 22209 ಲಾಟ್ ಹಾಕಲಾಗಿತ್ತು. ಈ ಪೈಕಿ 730 ಲಾಟ್ಗಳು ತಿರಸ್ಕೃತವಾಗಿವೆ. 348 ಖರೀದಿದಾರರು ಪಾಲ್ಗೊಂಡಿದ್ದರು ಎಂದು ಎಪಿಎಂಸಿ ಕಾರ್ಯದರ್ಶಿ ಎಸ್.ಬಿ. ನ್ಯಾಮಗೌಡ್ರ ತಿಳಿಸಿದ್ದಾರೆ.
