ರೂಫ್ ಟಾಪ್ ಸೋಲಾರ್, ಎಲ್ಇಡಿ ಬೀದಿ ದೀಪ, ಬೈಕ್ ಶೇರಿಂಗ್, ಇತ್ಯಾದಿ ಕಾಮಗಾರಿಗಳು ಹಲವು ಬಾರಿ ಟೆಂಡರ್ ಪ್ರಕ್ರಿಯೆಗೆ ಒಳಪಟ್ಟಿವೆ. ಈಗಲೂ ಕೆಲವು ಕಾಮಗಾರಿಗಳು ಕಾರ್ಯಾನುಷ್ಠಾನಕ್ಕೆ ಬಂದಿಲ್ಲ. ಇದರಿಂದ ಹು-ಧಾ ಸ್ಮಾರ್ಟ್ ಸಿಟಿ ಯೋಜನೆಯು ಸಾಧ್ಯತಾ ವರದಿ, ಡಿಪಿಆರ್, ಟೆಂಡರ್ ಪ್ರಕ್ರಿಯೆಯಲ್ಲಿಯೇ ಕಾಲಹರಣವಾಗುತ್ತಿದೆಯೆಂಬ ಆಕ್ಷೇಪವನ್ನು ಹೊತ್ತುಕೊಂಡಿದೆ. ಒಂದಕ್ಕೊಂದು ಹೊಂದಿಕೊಂಡಿರುವ ಹು-ಧಾ ಮಹಾನಗರ ಪಾಲಿಕೆಯ ಕೇಂದ್ರ ಕಚೇರಿ, ಚಿಟಗುಪ್ಪಿ ಆಸ್ಪತ್ರೆ ಹಾಗೂ ಲ್ಯಾಮಿಂಗ್ಟನ್ ಶಾಲೆ ಗ್ರೀನ್ ಕ್ಯಾಂಪಸ್ ಯೋಜನೆ ವ್ಯಾಪ್ತಿಗೆ ಬರಲಿದೆ. ಇಲ್ಲಿಯ ಕಟ್ಟಡಗಳ ಮೇಲೆ ಸೌರ ಫಲಕ ಅಳವಡಿಸಿ ಸೌರ ವಿದ್ಯುತ್ ಉತ್ಪಾದನೆ ಮಾಡಲಾಗುವುದು. ಇಲ್ಲಿಯ ದೈನಂದಿನ ಕೆಲಸ ಕಾರ್ಯಗಳಿಗೆ ಬೇಕಾಗುವ ವಿದ್ಯುತ್ಗೆ ಗರಿಷ್ಠ ಮಟ್ಟದಲ್ಲಿ ಸೌರಶಕ್ತಿಯನ್ನೇ ಅವಲಂಬಿಸುವುದು. ಮಳೆ ನೀರು ಸಂಗ್ರಹ, ಹಸಿರೀಕರಣ, ಲ್ಯಾಂಡ್ ಸ್ಕೇಪಿಂಗ್, ಘನತ್ಯಾಜ್ಯ ನಿರ್ವಹಣೆಯನ್ನು ಸಮರ್ಪಕವಾಗಿ ನಿರ್ವಹಿಸುವುದು ಈ ಯೋಜನೆಯ ಭಾಗವಾಗಿದೆ. ಇದು ಪರಿಸರ ಸ್ನೇಹಿ ಕ್ರಮವಾಗಿದೆ. 18 ತಿಂಗಳು ಕಾಮಗಾರಿ ಅನುಷ್ಠಾನ, ಬಳಿಕ 5 ವರ್ಷ ಕಾರ್ಯಾಚರಣೆ ಹಾಗೂ ನಿರ್ವಹಣೆ ಅವಧಿಯಾಗಿದೆ.
