ಇಲ್ಲಿ ಒಂದು ಸಿನಿಮಾದ ಚಿತ್ರೀಕರಣ ಅಥವಾ ಹಾಡಿನ ಧ್ವನಿಮುದ್ರಣಕ್ಕೆ ಸಾಮಾನ್ಯವಾಗಿ ಬೇಕಾಗುವ ಎಲ್ಲ ವ್ಯವಸ್ಥೆಗಳೂ ಇವೆ. ವಿಡಿಯೋ ಶೂಟ್, ವಿಡಿಯೋ ಕಾನ್ಸೆಪ್ಟ್ ಶೂಟ್, ಡ್ರೋನ್ ಶೂಟ್, ವಿಡಿಯೋ ಎಡಿಟಿಂಗ್, ಕ್ಯಾಪ್ಷನ್ ರೈಟಿಂಗ್, ವಾಯ್ಸ್ ಓವರ್ ಮಾಡಿಸಬಹುದಾದ ಸೌಲಭ್ಯಗಳು ಇಲ್ಲಿವೆ. ಇಷ್ಟೆಲ್ಲ ವ್ಯವಸ್ಥೆ ಇರುವ ಈ ಕೇಂದ್ರವನ್ನು ಸದ್ದಿಲ್ಲದೆ ಮಾಡಿರುವ ರವಿ ಬಸ್ರೂರ್, 'ನಾವು ಸದ್ದಿಲ್ಲದೆ ಕೆಲಸ ಮಾಡಬೇಕು, ನಮ್ಮ ಯಶಸ್ಸು ಸದ್ದು ಮಾಡಬೇಕು' ಎಂದು ಹೇಳಿಕೊಂಡಿದ್ದಾರೆ. ಇನ್ನು ಊರಿನ ಸುತ್ತಮುತ್ತ ಇರುವ ಸಿನಿಮಾಸಕ್ತ ಪ್ರತಿಭೆಗಳನ್ನು ಸೇರಿಸಿಕೊಂಡು ಸಿನಿಮಾಗೆ ಬೇಕಿರುವ ಒಂದು ದೊಡ್ಡ ತಂಡವನ್ನೇ ಕಟ್ಟಿರುವ ರವಿ ಬಸ್ರೂರ್, ತಮ್ಮೂರನ್ನು ಸಿನಿಮಾಕಾಶಿ ಆಗಿಸುವ ಕನಸನ್ನು ಹೊಂದಿದ್ದಾರೆ.
