ಪ್ರಧಾನ ಅರ್ಚಕ ಆರ್.ಕೆ. ನಾಗೇಂದ್ರ ಬಾಬು ಮಾತನಾಡಿ ನ.15ರಂದು ಬೆಳಗ್ಗೆ 10.30ಕ್ಕೆ ಸತ್ಯನಾರಾಯಣ ಪೂಜೆಯೊಂದಿಗೆ ಜಾತ್ರೋತ್ಸವದ ವಿದಿ-ವಿಧಾನಗಳು ಆರಂಭವಾಗಲಿದೆ. ಅಂದು ಸಂಜೆ ದಟ್ಟೋತ್ಸವ, ರಂಗಪೂಜೆ ಏರ್ಪಡಿಸಲಾಗಿದೆ. ಈ ಬಾರಿ ವಿಶೇಷವಾಗಿ ಗೋಪೂಜೆ ನಂತರ ಧ್ವಜಾರೋಹಣ ಕಾರ್ಯಕ್ರಮ ನೆರವೇರಿಸಲಾಗುವುದು. ಕಾವೇರಿ ನದಿ ತೀರದಲ್ಲಿ ಅಷ್ಟಾವಧಾನ ಕಾರ್ಯಕ್ರಮ ನಡೆಸಲಾಗುವುದು. 3 ದಿನ ಫಲ್ಲಕ್ಕಿ ಉತ್ಸವ ಆಯೋಜಿಸಲಾಗಿದೆ. ಮೂಷಿಕ ವಾಹನ ಉತ್ಸವ, ಚಂದ್ರಬಿAಬೋತ್ಸವ, ವೃಷಭವಾಹನ ಸೇವೆ, ಅಶ್ವರೂಢ ವಾಹನ ಸೇವೆ, ಮಯೂರ ವಾಹನ ಸೇವೆ, ಗಜರೂಢ ಸೇವೆ, ತೆಪ್ಪೋತ್ಸವ ಸೇರಿದಂತೆ ದೇವರಿಗೆ ಛಾಯಾ ವಾಹನೋತ್ಸವ ನಡೆಸಲಾಗುವುದು. 1955ರ ತನಕ 3 ದಿನಗಳ ಕಾಲ ನಡೆಯುತ್ತಿದ್ದ ಜಾತ್ರೋತ್ಸವ 1958 ರಲ್ಲಿ 7 ದಿನ ಆಯಿತು ಈಗ 10 ದಿನಗಳ ತನಕ ಕಾರ್ಯಕ್ರಮಗಳು ನಡೆಯಲಿದೆ. ಕುಶಾಲನಗರದ ಈ ಜಾತ್ರೋತ್ಸವ ಮೈಸೂರು ದಸರಾ ಮಾದರಿಯಲ್ಲಿ ವಿಜೃಂಭಿಸಬೇಕು. ಹಾಗಾಗಿ ದೇವರು ಸಂಚರಿಸುವ ಮಾರ್ಗದಲ್ಲಿ ಅಂಗಡಿ, ಮುಂಗಟ್ಟುಗಳಿಗೆ ಸಂಬAಧಿಸಿದ ಅಂಗಡಿಯವರು ವಿದ್ಯುತ್ ದೀಪಾಲಂಕಾರ ಮಾಡಿ ಸಹಕರಿಸಬೇಕು ಎಂದು ಮನವಿ ಮಾಡಿದರು.
