ಅಧ್ಯಯನಶೀಲತೆ ಕರಾವಳಿಯ ಅಸ್ಮಿತೆ

ಉಡುಪಿ: ಅಧ್ಯಯನಶೀಲತೆ ಕರಾವಳಿಯ ಅಸ್ಮಿತೆಯಾಗಿದೆ. ಗೋವಿಂದ ಪೈಗಳು ಸ್ವಾತಂತ್ರ$್ಯ ಪೂರ್ವದಲ್ಲಿಯೇ ಸಂಶೋಧನೆಗೆ ಆದ್ಯತೆ ನೀಡಿದ್ದರು. ಸಂಶೋಧನೆಯಿಂದ ಮನಸ್ಸು ಆಹ್ಲಾದಕರವಾಗುತ್ತದೆ ಎಂದು ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನಾ ಕೇಂದ್ರದ ಸಲಹಾ ಸಮಿತಿ ಅಧ್ಯಕ್ಷ ಡಾ.ಬಿ.ಎ ವಿವೇಕ್​ ರೈ ಹೇಳಿದರು.

ಕನ್ನಡ ಮತ್ತು ಸಂಸತಿ ಇಲಾಖೆಯ ಸಹಯೋಗದೊಂದಿಗೆ ರಾಷ್ಟ್ರಕವಿ ಗೋವಿಂದ ಪೈ ಸಂಶೋಧನ ಕೇಂದ್ರ, ಮಣಿಪಾಲ ಅಕಾಡೆಮಿ ಆಫ್​ ಹೈಯರ್​ ಎಜುಕೇಶನ್​ ವತಿಯಿಂದ ನಡೆದ ರಾಷ್ಟ್ರಕವಿ ಗೋವಿಂದ ಪೈ ಪ್ರಶಸ್ತಿ ಪ್ರದಾನ ಸಮಾರಂಭದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ನಿಷೇಧಾತ್ಮಕ ವಿಷಯಗಳ ಚರ್ಚೆಯಲ್ಲಿ ಕಾಲಹರಣ ಮಾಡುತ್ತಾ, ಮೊಬೈಲ್​ನಲ್ಲಿ ಬೇಡದ ವಿಡಿಯೋಗಳನ್ನು ಹಂಚುವ ಬದಲು ಯುವ ಜನತೆ ಸಂಶೋಧನೆಯತ್ತ ಆಸಕ್ತರಾದರೆ ಕರಾವಳಿಗೆ ಒಳ್ಳೆಯ ಹೆಸರು ಬರಲಿದೆ. ಜಿಲ್ಲೆಗೆ ಪಂಡಿತರ ಪರಂಪರೆಯೇ ಇದೆ. ತುಳುವ ಮತ್ತು ತುಳುವಂಶ ಕುರಿತ ಸಮಗ್ರ ಅಧ್ಯಯನ ಈವರೆಗೆ ಸಾಧ್ಯವಾಗಿಲ್ಲ. ಈ ನಿಟ್ಟಿನಲ್ಲಿ ಗೋವಿಂದ ಪೈ ಸಮಗ್ರ ಸಂಪುಟ ಯುವಪೀಳಿಗೆಗೆ ಪ್ರಚೋದನೆಯಾಗಲಿ ಎಂದರು.

ಪುಸ್ತಕ ಸಂಪಾದನೆ ಕ್ಲಿಷ್ಟಕರ

ಹಣದ ಮೋಹ ತ್ಯಜಿಸಿದಾಗ ಮಾತ್ರ ವಿದ್ವತ್​ ಕೆಲಸ ಮಾಡಲು ಸಾಧ್ಯ. ಇತ್ತೀಚಿನ ದಿನಗಳಲ್ಲಿ ಇಂಥ ವಿದ್ವಾಂಸರ ಅಗತ್ಯ ಬಹಳಷ್ಟಿದೆ. ಮೂಲ ಲೇಖಕರ ಭಾವನೆಗಳಿಗೆ ಧಕ್ಕೆಯಾಗದಂತೆ ವಿಷಯಗಳನ್ನು ಓದಿ ಗ್ರಹಣ ಮಾಡಿ, ಅರ್ಥ ಮಾಡಿಕೊಂಡು ಪುಸ್ತಕ ಸಂಪಾದನೆ ಕ್ಲಿಷ್ಟಕರ ಕಾರ್ಯ ಎಂದರು.

ಈ ಸಂದರ್ಭದಲ್ಲಿ ಮಾಹೆ ಸಹಕುಲಾಧಿಪತಿ ಡಾ.ಎಚ್​.ಎಸ್​.ಬಲ್ಲಾಳ್​ "ಗೋವಿಂದ ಪೈ ಸಂಶೋಧನ ಸಂಪುಟ" ಪರಿಸತ ದ್ವೀತಿಯ ಮುದ್ರಣ ಅನಾವರಣಗೊಳಿಸಿದರು. ಕಾರ್ಯಕ್ರಮದಲ್ಲಿ ಟಿ.ವಿ ಮೋಹನದಾಸ್​ ಪೈ ಪ್ರಾಯೋಜಕತ್ವದ ವಿಮಲಾ ವಿ. ಪೈ ಸ್ಮರಣಾರ್ಥ ರಾಷ್ಟ್ರಕವಿ ಗೋವಿಂದ ಪೈ ಪ್ರಶಸ್ತಿ ಪ್ರದಾನ ಪ್ರಶಸ್ತಿಯನ್ನು ಹಿರಿಯ ವಿದ್ವಾಂಸ ಮತ್ತು ಸಂಶೋಧಕ ನಾಡೋಜ ಡಾ.ಹಂ.ಪ. ನಾಗರಾಜಯ್ಯ ಅವರಿಗೆ ನೀಡಿ ಗೌರವಿಸಲಾಯಿತು.

ಮುಖ್ಯ ಅತಿಥಿಯಾಗಿ ಮಾಹೆ ಕುಲಪತಿ ಲೆ.ಜ.ಡಾ.ಎಂ.ಡಿ ವೆಂಕಟೇಶ್​, ಕಾಲೇಜಿನ ಪ್ರಾಂಶುಪಾಲ ಲಕ್ಷಿ$್ಮನಾರಾಯಣ ಕಾರಂತ, ಕನ್ನಡ ಮತ್ತು ಸಂಸತಿ ಇಲಾಖೆಯ ಸಹಾಯಕ ನಿರ್ದೇಶಕಿ ಪೂರ್ಣಿಮಾ ಕೃತಿಯ ಸಂಪಾದಕ ಪ್ರೊ.ಮುರಳೀಧರ ಉಪಾಧ್ಯ ಹಾಗೂ ಡಾ.ಪಾದೇಕಲ್ಲು ವಿಷ್ಣು ಭಟ್​ ಉಪಸ್ಥಿತರಿದ್ದರು. ಮುಂಬಯಿ ವಿವಿಯ ಕನ್ನಡ ವಿಭಾಗದ ವಿಶ್ರಾಂತ ಪ್ರಾಧ್ಯಾಪಕ ಡಾ.ತಾಳ್ತಜೆ ವಸಂತ್​ ಕುಮಾರ್​ ಅಭಿನಂದನಾ ಭಾಷಣ ಮಾಡಿದರು. ಕೇಂದ್ರದ ಆಡಳಿತಾಧಿಕಾರಿ ಡಾ.ಬಿ. ಜಗದೀಶ್​ ಶೆಟ್ಟಿ ಸ್ವಾಗತಿಸಿ, ಆರ್​ಆರ್​ಸಿಯ ಸಹಸಂಶೋಧಕ ಡಾ. ಅರುಣ್​ ಕುಮಾರ್​ ಎಸ್​.ಆರ್​ ಕಾರ್ಯಕ್ರಮ ನಿರೂಪಿಸಿದರು.