ಕಾಂಗ್ರೆಸ್ ಕಾಲದಲ್ಲಿ ಅಲ್ಪ ಪ್ರಮಾಣದಲ್ಲಿ ಮಳೆ ಹಾನಿ ಪರಿಹಾರ ಕೊಡಲಾಗುತ್ತಿತ್ತು. ೩.೫ ರೂ. ಸಾವಿರ ಖರ್ಚು ಮಾಡಿ ೫೦೦ ರೂ. ಪಡೆಯುವ ಸ್ಥಿತಿ ಇತ್ತು. ಆದರೆ ಬಿಜೆಪಿ ಸರಕಾರ ಬಂದ ನಂತರ ಪರಿಹಾರ ಮೊತ್ತ ಹೆಚ್ಚಿಸಲಾಗಿದೆ. ಸುಲಭವಾಗಿಯೂ ಪರಿಹಾರ ಲಭಿಸುವಂತಾಗಿದೆ. ಕಳೆದ ೩ ವರ್ಷಗಳಲ್ಲಿ ವರ್ಷಕ್ಕೆ ತಲಾ ೬೬, ೧೦೩, ೧೩೮ ಕೋಟಿ ರೂ. ಪರಿಹಾರ ಜಿಲ್ಲೆಯ ರೈತರಿಗೆ ವಿತರಿಸಲಾಗಿದೆ.
ಮೊದಲು ಎಲ್ಲರ ಮನೆಗೂ ಬೆಳಕು ಕೊಡಲಾಗಿತ್ತು. ಈಗ ಜಿಲ್ಲೆಯಲ್ಲಿ ೩೫೦ ಕೋಟಿ ರೂ. ವೆಚ್ಚದಲ್ಲಿ ಜಲಜೀವನ್ ಯೋಜನೆ ಮೂಲಕ ಮನೆ ಮನೆಗೂ ನೀರು ತಲುಪಿಸಲಾಗಿದೆ. ಕೊಡವ ಸೇರಿದಂತೆ ಅಗತ್ಯವಿರುವ ಎಲ್ಲಾ ಜನಾಂಗಕ್ಕೂ ನಿಗಮ ಘೋಷಣೆ ಮಾಡಲಾಗಿದೆ. ಜಿಲ್ಲೆಯಲ್ಲಿ ಬಿಜೆಪಿ ಸಂಘಟನೆ ಬಲಿಷ್ಠವಾಗಿದ್ದು. ಎಲ್ಲರೂ ಹಂಚಿಕೊಂಡು ಕೆಲಸ ಮಾಡುತ್ತಿದ್ದಾರೆ. ಸದ್ಯದಲ್ಲೇ ಪ್ರಣಾಳಿಕೆ ಬಿಡುಗಡೆ ಮಾಡಲಾಗುವುದು. ಮಂದೆ ಟೂರಿಸ್ಟ್ ಕಾರಿಡಾರ್ ಮೂಲಕ ೧೮ ಗ್ರಾಮಗಳನ್ನು ಸಂಪರ್ಕಿಸುವ ಯೋಜನೆ ಇದೆ ಎಂದ ಅವರು, ಇಲ್ಲಿಯ ಇಬ್ಬರು ಶಾಸಕರೂ ೨೫ ಸಾವಿರಕ್ಕೂ ಹೆಚ್ಚು ಮತಗಳ ಅಂತರದಿಂದ ಗೆಲ್ಲುತ್ತೇವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
