ಹರಕೆ ಹೊತ್ತಿದ್ದ ಭಕ್ತರು ನದಿಯಲ್ಲಿ ಮಿಂದೆದ್ದು, ಕೇಶ ಮುಂಡನ ಮಾಡಿಸಿಕೊಂಡು ದರ್ಶನ ಪಡೆದರು. ಶ್ರೀ ರಾಮೇಶ್ವರ, ಪಟ್ಟಾಭಿರಾಮ, ಆಂಜನೇಯ ಸ್ವಾಮಿ, ಅಗಸ್ತ್ಯರ ದೇವಾಲಯಗಳಿಗೆ ತೆರಳಿ ದರ್ಶನ ಪಡೆದರು. ವಹ್ನಿ ಪುಷ್ಕರಣಿಯಲ್ಲಿ ಮೀನುಗಳಿಗೆ ತಿಂಡಿ ಹಾಕಿ ಬಗೆ ಬಗೆಯ ಗಾತ್ರದ ಮೀನುಗಳನ್ನು ಕಣ್ತುಂಬಿಕೊಂಡು ಆನಂದಿಸಿದರು. ಜಾತ್ರೆಯಲ್ಲಿ ಕಡಲೆಪುರಿ, ವಿವಿಧ ರೀತಿಯ ಸಿಹಿ ತಿನಿಸುಗಳ ವ್ಯಾಪಾರ ಭರ್ಜರಿಯಾಗಿ ಸಾಗಿತ್ತು. ಕಾನೂನು ಸುವ್ಯವಸ್ಥೆ ಪಾಲನೆಗಾಗಿ ಪೊಲೀಸ್ ಬಂದೋಬಸ್ತ್ ಮಾಡಲಾಗಿತ್ತು. ವಿವಿಧ ಸಂಘ ಸಂಸ್ಥೆಗಳು, ದಾನಿಗಳು ಮಜ್ಜಿಗೆ ,ಪಾನಕ ನೀಡಿ ಬಿಸಿಲಿನಿಂದ ಬಳಲಿದ್ದ ಭಕ್ತರ ಬಾಯಾರಿಕೆ ನಿವಾರಿಸಿದರು. ಅನ್ನದಾನ ಸೇವೆಯೂ ನಡೆಯಿತು.
