ಟೋಲ್ ಪ್ಲಾಜಾದಲ್ಲಿ ವಾಹನಗಳು ಸಂಚಾರ ಮಾಡಿದಾಗ ಫಾಸ್ಟ್ಟ್ಯಾಗ್ ಮೂಲಕ ಹಣ ಕಡಿತವಾಗುತ್ತದೆ. ಆದರೆ ಮತ್ತೆ ಅದೇ ವಾಹನ ಟೋಲ್ ಪ್ಲಾಜ ಪ್ರವೇಶ ಮಾಡದಿದ್ದರೂ ಹಣ ಕಡಿತವಾಗುತ್ತಿದೆ. ಮಂಡ್ಯ ಮೂಲದ ತ್ಯಾಗರಾಜ್ ಅವರ ಕಾರು ಒಮ್ಮೆ ಕಣಮಿಣಕಿ ಟೋಲ್ ಪ್ಲಾಜಾ ಪ್ರವೇಶ ಮಾಡಿದಾಗ ಫಾಸ್ಟ್ಟ್ಯಾಗ್ ಮೂಲಕ 135 ರೂ. ಕಡಿತವಾಗಿದೆ. ಸಂಜೆ ವೇಳೆಗೆ ಕಾರು ಟೋಲ್ ಬಳಿ ಸಂಚಾರ ಮಾಡದಿದ್ದರೂ ಮತ್ತೆ ಹಣ ಕಡಿತವಾಗಿದೆ. ಒಂದಲ್ಲ 3-4 ಬಾರಿ 135 ರೂ.ನಂತೆ ಹಣ ಕಡಿತವಾಗಿದೆ. ಹೀಗೆ ಸಾವಿರಾರು ವಾಹನಗಳಿಂದ ಲಕ್ಷಾಂತರ ರೂ ಕಡಿತವಾಗುತ್ತಿದ್ದು, ಅನಾಯಾಸವಾಗಿ ಟೋಲ್ ಸಂಗ್ರಹ ಮಾಡುತ್ತಿರುವ ಸಂಸ್ಥೆಗೆ ಸೇರುತ್ತಿದೆ. ಕೆಲವರು ಪದೇಪದೆ ಹಣ ಕಡಿತವಾಗುತ್ತಿರುವ ಬಗ್ಗೆ ಪ್ರಶ್ನೆ ಮಾಡುತ್ತಿದ್ದರೆ, ಮತ್ತೆ ಕೆಲವರು ಇದರ ಬಗ್ಗೆ ತಲೆಕೆಡಿಸಿಕೊಳ್ಳುತ್ತಿಲ್ಲ.
