ಪ್ರಶಾಂತ ರಿಪ್ಪನ್ಪೇಟೆ, ಬೆಂಗಳೂರು : ಬೆಂಗಳೂರಿನಲ್ಲಿ ಮಳೆಗಾಲ ಆರಂಭವಾಯಿತೆಂದರೆ ಸಹಜವಾಗಿಯೇ ಸಂಚಾರ ಸಿಕ್ಕು, ಅಪಘಾತ, ದ್ವಿಚಕ್ರ ವಾಹನ ಸವಾರರು ರಸ್ತೆಯಲ್ಲಿ ಆಯತಪ್ಪಿ ಬೀಳುವುದು ಸಾಮಾನ್ಯ. ಇದು ಸಾಲದೆಂಬಂತೆ ರಾಜಕುಮಾರ್ ರಸ್ತೆಯಲ್ಲಿ ಬಿಡಬ್ಲ್ಯೂಎಸ್ಎಸ್ಬಿ ಕಳೆದ 3 ತಿಂಗಳಿಂದ ಕೈಗೆತ್ತಿಕೊಂಡಿರುವ ಪೈಪ್ ಅಳವಡಿಕೆ ಕಾಮಗಾರಿ ಇನ್ನೂ ಮುಗಿಯದ ಕಾರಣ ವಾಹನ ಸವಾರರು ಜೀವ ಕೈಯಲ್ಲಿ ಹಿಡಿದು ಹೋಗುವಂತಾಗಿದೆ.
ರಾಜಾಜಿನಗರದ ರಾಜಕುಮಾರ ರಸ್ತೆ ಬಹುತೇಕ ದಿನದ 24 ಗಂಟೆಯು ಸಂಚಾರದಿಂದ ಬ್ಯುಸಿಯಾಗಿರುವ ಪ್ರಮುಖ ರಸ್ತೆ. ಅದರಲ್ಲೂ ಮುಖ್ಯವಾಗಿ ಕೆಎಸ್ಆರ್ಟಿಸಿಯ ಬಹುತೇಕ ಬಸ್ಸುಗಳು ನಗರದಿಂದ ಹೊರ ಊರುಗಳಿಗೆ ಹೋಗುವುದು ಹಾಗೂ ಬರುವುದು ಇದೇ ರಸ್ತೆಯಲ್ಲಿ ಆದ ಕಾರಣ ಸಂಚಾರ ದಟ್ಟಣೆ ಹೆಚ್ಚಾಗಿರುತ್ತದೆ. ಇಂತಹ ರಸ್ತೆಯಲ್ಲಿ ಬಿಡಬ್ಲ್ಯೂಎಸ್ಎಸ್ಬಿ ನಿರ್ಲಕ್ಷ್ಯ ವಹಿಸಿರುವುದು ಹಲವು ಸಮಸ್ಯೆಗಳಿಗೆ ಕಾರಣವಾಗಿದೆ.
ಇಲ್ಲಿನ ಸ್ಥಳೀಯರು ಹೇಳುವ ಪ್ರಕಾರ ಮೂರು ತಿಂಗಳ ಹಿಂದೆ ರಸ್ತೆಬದಿಯಲ್ಲಿ ಸ್ಯಾನಿಟರಿ ಪೈಪ್ ಅಳವಡಿಸಲು ಗುಂಡಿ ತೆಗೆದಿದ್ದಾರೆ. ಆದರೆ ಅಂದಿನಿಂದ ಒಬ್ಬ ಅಧಿಕಾರಿಯೂ ಇಲ್ಲಿಗೆ ಬಂದಿಲ್ಲ. ಯಾವಾಗ ಕೆಲಸ ಮುಗಿಯುತ್ತದೆ ಎಂದು ಕೆಲಸಗಾರರನ್ನು ಕೇಳಿದರೆ ನಮಗೆ ಗೊತ್ತಿಲ್ಲ ಎನ್ನುವ ಸಿದ್ಧ ಉತ್ತರ ನೀಡುತ್ತಾರೆ. ಒಂದು ಕಡೆಯಲ್ಲಿ ನಾಲ್ಕೈದು ಅಡಿ ಆಳದ ಗುಂಡಿ, ಮಧ್ಯದಲ್ಲಿ ಬೃಹತ್ ಸಿಮೆಂಟ್ ಪೈಪ್ಗಳು ಮತ್ತು ಚಿಕ್ಕ ಪೈಪ್ಗಳನ್ನು ಲೋಡ್ಗಟ್ಟಲೆ ಹಾಕಿದ್ದಾರೆ. ಮುಂಜಾಗ್ರತಾ ಕ್ರಮವಾಗಿ ಬಾಯ್ದೆರೆದಿರುವ ಗುಂಡಿ ಪಕ್ಕದಲ್ಲಿ ಕನಿಷ್ಟ ಬ್ಯಾರಿಕೇಡ್ಗಳನ್ನು ಸಹ ಅಳವಡಿಸಿಲ್ಲ. ಗುಂಡಿತೆಗೆದ ಮಣ್ಣನ್ನು ರಸ್ತೆಯ ಮೇಲೆ ಹಾಕಿರುವುದರಿಂದ ದೊಡ್ಡ ದಿಬ್ಬದಂತೆ ಮಾರ್ಪಾಡಾಗಿದ್ದು ವಾಹನಗಳು ಅನಿವಾರ್ಯವಾಗಿ ಒಂದರ ಹಿಂದೆ ಒಂದು ಹೋಗಬೇಕಾದ ಪರಿಸ್ಥತಿ ನಿರ್ಮಾಣವಾಗಿದೆ. ಇದರಿಂದ ನವರಂಗ್ ಸಿಗ್ನಲ್ನಿಂದ ರಾಜಾಜಿನಗರದ ಪ್ರವೇಶದ್ವಾರದ ಜಗದ್ಗುರು ರೇಣುಕಾಚಾರ್ಯ ವೃತ್ತದವರೆಗೆ ಸಂಚಾರ ದಟ್ಟಣೆ ಮಿತಿಮೀರಿದೆ. ಕೆಲವು ಕಡೆಗಳಲ್ಲಂತು ದೊಡ್ಡ ಬಸ್ಸುಗಳು ಹೋಗುವಾಗ ಮಣ್ಣಿನ ದಿಬ್ಬದ ಮೇಲೆ ಒಂದು ಬದಿಯ ಚಕ್ರಗಳು ಸಂಚರಿಸಬೇಕಾಗಿದ್ದು, ಅಪಾಯಕ್ಕೆ ಆಹ್ವಾನ ನೀಡುವಂತಿದೆ. ಇದರ ನಡುವೆ ಈಗಾಗಲೇ ಮಳೆಗಾಲ ಆರಂಭವಾಗಿದ್ದು, ಚರಂಡಿಯಲ್ಲಿಯೂ ನೀರು ಸರಾಗವಾಗಿ ಹೋಗದೆ, ಗುಂಡಿಗಳಲ್ಲಿ ನೀರು ತುಂಬಿ ರಾತ್ರಿ ಹೊತ್ತು ಸಂಚರಿಸುವವರಿಗೆ ರಸ್ತೆ ಮತ್ತು ಗುಂಡಿಯ ವ್ಯತ್ಯಾಸ ತಿಳಿಯದೆ ಹಲವು ವಾಹನ ಸವಾರರು ಬಿದ್ದು ಪೆಟ್ಟು ಮಾಡಿಕೊಂಡಿದ್ದಾರೆ. ಸಾರ್ವಜನಿಕರು ಬಿಡಬ್ಲೂೃಎಸ್ಎಸ್ಬಿ ಅಥವಾ ಬಿಬಿಎಂಪಿ ಅಥವಾ ಗುತ್ತಿಗೆದಾರರು
