706 ಹೆಕ್ಟೇರ್ನಲ್ಲಿ ಬಿತ್ತನೆ: ಹನೂರು ಹೋಬಳಿ ವ್ಯಾಪ್ತಿಯಲ್ಲಿ 6,016 ಹೆಕ್ಟೇರ್ ಪ್ರದೇಶ ಮಳೆಯಾಶ್ರಿತವಾಗಿದೆ. ಇದರಲ್ಲಿ ಈಗಾಗಲೇ ಕಳೆದ ಒಂದೂವರೆ ತಿಂಗಳ ಹಿಂದೆ ಹೋಬಳಿಯ ಗಾಣಿಗಮಂಗಲ, ಬಂಡಳ್ಳಿ ಹಾಗೂ ಶಾಗ್ಯ ಭಾಗದಲ್ಲಿ ಎಳ್ಳು, ಸಜ್ಜೆ ಹಾಗೂ ನೆಲಗಡಲೆಯನ್ನು ಬಿತ್ತನೆ ಮಾಡಿದ್ದರೆ, ಹನೂರು ಹಾಗೂ ಮಂಗಲ ಭಾಗದಲ್ಲಿ ಎಳ್ಳು, ಮೆಕ್ಕೆಜೋಳ ಹಾಗೂ ಕಡಲೆಕಾಯಿ ಸೇರಿದಂತೆ ಒಟ್ಟು 706 ಹೆಕ್ಟೇರ್ ಪ್ರದೇಶದಲ್ಲಿ ಬಿತ್ತನೆ ಮಾಡಲಾಗಿದೆ. ಆಗಾಗ್ಗೆ ಮಳೆ ಆಗುತ್ತಿರುವುದರಿಂದ ಫಸಲುಗಳಿಗೆ ಕಳೆ ತಂದಿದೆ. ಹೂವು, ಕಾಳು ಕಟ್ಟುವ ಹಂತಕ್ಕೆ ಬಂದಿದೆ. ಇನ್ನುಳಿದ ಪ್ರದೇಶದಲ್ಲಿ ಮುಂದಿನ ತಿಂಗಳ ಅಂತ್ಯದಲ್ಲಿ ಹೆಚ್ಚಾಗಿ ರಾಗಿ, ಮುಸುಕಿನ ಜೋಳ ಹಾಗೂ ನೆಲಗಡಲೆ ಬಿತ್ತನೆಗೆ ರೈತರ ಚಿತ್ತ ಹರಿದಿದೆ. ಹನೂರು ಕೃಷಿ ಸಂಪರ್ಕ ಕೇಂದ್ರದಲ್ಲಿ ಅಧಿಕಾರಿಗಳು ಅಗತ್ಯ ಬಿತ್ತನೆ ಬೀಜವನ್ನು ಈಗಾಗಲೇ ದಾಸ್ತಾನು ಮಾಡಿದ್ದಾರೆ. 12 ಸಾವಿರ ಕೆಜಿ ನೆಲಗಡಲೆ, 2,700 ಕೆಜಿ ಮುಸುಕಿನ ಜೋಳ ಹಾಗೂ ಅಗತ್ಯಕ್ಕೆ ತಕ್ಕಂತೆ ಬಿತ್ತನೆ ರಾಗಿಯನ್ನು ಇರಿಸಲಾಗಿದೆ. ಮುಂದಿನ ದಿನಗಳಲ್ಲಿ ವಿತರಣೆ ಕಾರ್ಯ ನಡೆಯಲಿದೆ
