ಜಿಲ್ಲೆಯ ಸುಮಾರು ೨೭ ಸಾವಿರ ಹೆಕ್ಟೇರ್ ತೋಟಗಾರಿಕೆ ಬೆಳೆಯಲ್ಲಿ ಅಫಜಲಪುರ ತಾಲೂಕಿನಲ್ಲಿ ೩೭೬೯ ಹೆಕ್ಟೇರ್, ಆಳಂದ ೪೮೭೮, ಚಿಂಚೋಳಿ ೪೧೨೨, ಚಿತ್ತಾಪುರ ೧೫೫೯, ಕಲಬುರಗಿ ೩೬೦೩, ಜೇವರ್ಗಿ ೩೦೮೭, ಕಾಳಗಿ ೧೪೧೦, ಕಮಲಾಪುರ ೧೬೫೩, ಸೇಡಂ ೮೩೮, ಶಹಾಬಾದ್ ೩೧೩, ಯಡ್ರಾಮಿ ೧೩೪೫ ಹೆಕ್ಟೇರ್ನಲ್ಲಿ ಬೆಳೆಯಲಾಗುತ್ತಿದೆ. ಬಾಳೆಹಣ್ಣು ೪೨೦೦ ಹೆಕ್ಟೇರ್, ನಿಂಬೆ ೧೨೦೦, ಕಲ್ಲಂಗಡಿ ೧೨೦೦, ಮಾವು ೫೦೦, ಪಪ್ಪಾಯ ೧೦೦೦, ದ್ರಾಕ್ಷಿ ೪೪೪, ತರಕಾರಿಯಲ್ಲಿ ಈರುಳ್ಳಿ ೫೭೯೭, ಹಸಿ ಮೆಣಸಿನಕಾಯಿ ೩೧೫೯, ಟೊಮ್ಯಾಟೊ ೧೯೯೪, ಬ್ರಿಂಜಾಲ್ ೫೪೪, ಅರಿಷಿಣ ೭೧೩, ಚಿಲ್ಲಿ ೩೦೦೦, ಆಯಿಲ್ ಪಾಮ್ ೧೨೬, ಹೂವು ರೋಸ್ ೨೮೨, ಟ್ಯೂಬ್ರೋಸ್ ೧೪೬, ಜೆಸ್ಮಾಯಿನ್ ೧೩೪, ಈರುಳ್ಳಿ ೧೫೦೦ ಹೆಕ್ಟೇರ್ನಲ್ಲಿ ಬೆಳೆಯಲಾಗುತ್ತಿದೆ. ಜಿಲ್ಲೆಯ ಬಹುತೇಕ ಕಡೆ ತೋಟಗಾರಿಕೆ ಬೆಳೆ ಬೆಳೆದರೂ ಆಳಂದ ಮತ್ತು ಅಫಜಲಪುರ ತಾಲೂಕಿನಲ್ಲಿ ಈ ಪ್ರದೇಶ ಹೆಚ್ಚು. ಪೇರು ಮತ್ತು ಲಿಂಬು ಏರಿಯಾದಲ್ಲಿ ಕ್ರಮೇಣ ಹೆಚ್ಚಳವಾಗುತ್ತಿದೆ. ವಿಶೇಷವಾಗಿ ಅಫಜಲಪುರ, ಜೇವರ್ಗಿ(ವಿಜಯಪುರ ಗಡಿ) ಪ್ರದೇಶದಲ್ಲಿ ಹೆಚ್ಚು ಬೆಳೆಯಲಾಗುತ್ತಿದೆ. ಪ್ರಸಕ್ತ ಮಾರುಕಟ್ಟೆಯಲ್ಲಿ ಬಾಳೆ ಕೆಜಿಗೆ ೮-೧೨ ರೂ. ಇದ್ದರೆ, ೨೮ ರೂ. ಇದ್ದ ಪಪ್ಪಾಯ ದರ ಇದೀಗ ಎರಡ್ಮೂರು ರೂ.ಗೆ ಕುಸಿದಿದೆ. ಹೀಗಾಗಿ ಅದ್ಭುತ ಫಸಲು ತೆಗೆದಿರುವ ರೈತ ತಲೆ ಮೇಲೆ ಕೈಹೊತ್ತು ಕುಳಿತುಕೊಳ್ಳಬೇಕಾದ ಅನಿವಾರ್ಯತೆ ಎದುರಾಗಿದೆ.
