ಜಿಲ್ಲೆಯ ನಾಲ್ಕೂ ತಾಲೂಕುಗಳಲ್ಲಿ ದ್ರಾಕ್ಷಿ ಬೆಳೆಗಾರರಿದ್ದು, ಸುಮಾರು 2024 ಹೆಕ್ಟೇರ್ ಪ್ರದೇಶದಲ್ಲಿ ದ್ರಾಕ್ಷಿ ಬೆಳೆಯಲಾಗಿದೆ. ಏಪ್ರಿಲ್ ಅಂತ್ಯದಲ್ಲಿ ದ್ರಾಕ್ಷಿ ಕಟಾವು ಪ್ರಕ್ರಿಯೆ ಆರಂಭವಾಗಲಿದೆ, ಆದರೆ ಜಿಲ್ಲೆಯಲ್ಲಿ ಇನ್ನು ಮೂರ್ನಾಲ್ಕು ದಿನ ಮಳೆ ಸುರಿಯಲಿದೆ ಎಂಬ ಹವಾಮಾನ ಸೂಚನೆ ದ್ರಾಕ್ಷಿ ಬೆಳೆಗಾರರನ್ನು ಕಂಗೆಡಿಸಿದೆ. ಕೈಗೆ ಬಂದ ತುತ್ತು ಬಾಯಿಗೆ ಬರದಂತಾಗುತ್ತದೆ ಎಂಬ ಆತಂಕ ಮನೆ ಮಾಡಿದೆ. ಏತನ್ಯಧ್ಯೆ ಗೋಲಿಯಾಕರದಿಂದ ನಿಂಬೆಯಷ್ಟು ದಪ್ಪದಾಗಿರಿರುವ ಮಾವಿನ ಬೆಳೆಗೆ ಮಳೆಯ ಆತಂಕವಿಲ್ಲ ಆದರೆ ಬಿರುಗಾಳಿ ಬೀಸಿದರೆ ಕಾಯಿಗಳು ನೆಲಕ್ಕುದುರುತ್ತವೆ ಒಂದು ವೇಳೆ ಆಲಿಕಲ್ಲು ಮಳೆಯಾದರೆ ಪೀಚಿನಲ್ಲೇ ಕಾಯಿಗಳು ಹಾನಿಗೊಳಲಾಗುತ್ತವೆ ಎಂಬ ಆತಂಕವಿದೆ. ಇಲ್ಲವಾದರೆ ಬೇಸಿಗೆಯಲ್ಲಿ ಮಳೆ ಸುರಿದರೂ ಮಾವಿನ ಸಲಿಗೆ ದೊಡ್ಡಮಟ್ಟದ ಪೆಟ್ಟು ಬೀಳುವುದಿಲ್ಲ ಎಂಬುದು ತೋಟಗಾರಿಕೆ ಇಲಾಖೆ ಅಧಿಕಾರಿಗಳ ಅಭಿಪ್ರಾಯವಾಗಿದೆ. ಸಾಮಾನ್ಯವಾಗಿ ಮಾವು ಬೆಳೆ ಮಳೆಯಾಶ್ರಿತವಾಗಿರುವುದರಿಂದ ಅಂಥ ಸಮಸ್ಯೆ ಎದುರಾಗುವುದಿಲ್ಲ.ಮಾವು ಕಟಾವಿನ ವೇಳೆ ಅನುಸರಿಸಬೇಕಾದ ಮಾರ್ಗಗಳ ಬಗ್ಗೆ ಬೆಳೆಗಾರರು ಎಚ್ಚರಿಕೆ ವಹಿಸಬೇಕು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
