ಹದಗೆಟ್ಟ ರಸ್ತೆಯಿಂದ ಸಂಚಾರ ದುಸ್ತರ

ಹಾಳಾದ ಗುರುಗುಂಟಾ- ಹಟ್ಟಿ ರಸ್ತೆ

Published on:

21 Dec 2025, 9:33 am

ಪ್ರಮುಖ ಮುಖ್ಯಾಂಶಗಳು

ಪ್ರಯಾಣಿಕರ
ಹಿಡಿಶಾಪ
ಹೆಚ್ಚಳ

ಗುರುಗುಂಟಾ: ಗ್ರಾಮದಿಂದ ಹಟ್ಟಿಗೆ ಸಂಪರ್ಕ ಕಲ್ಪಿಸುವ 10ಕಿ.ಮೀ ಅಂತರದ ರಸ್ತೆ ಸಂಪೂರ್ಣ ಹಾಳಾಗಿದ್ದು ಪ್ರಯಾಣಿಕರು ನಿತ್ಯ ಸಂಕಷ್ಟ ಪಡುತ್ತಿದ್ದಾರೆ.

ಗುರುಗುಂಟಾ ಹಾಗೂ ಸುತ್ತಲಿನ ಹಳ್ಳಿಗಳ ಗಣಿ ಕಾರ್ಮಿಕರು ಬಸ್, ಆಟೋ, ಟಂಟಂ, ಸೈಕಲ್ ಮೋಟಾರ್‌ಗಳಲ್ಲಿ ನಿತ್ಯ ಸಂಚರಿಸುತ್ತಾರೆ. ರಸ್ತೆಯಲ್ಲಿ ಆಳವಾದ ಗುಂಡಿಗಳಿಂದ ಸುಗಮ ಸಂಚಾರ ಗಗನಕುಸುಮವಾಗಿದೆ. ಈ ರಸ್ತೆಯಲ್ಲಿ ಪದೇ ಪದೆ ಅಪಘಾತಗಳು ಸಂಭವಿಸುತ್ತಿದ್ದು ಪ್ರಯಾಣಿಕರು ಜೀವ ಕೈಯಲ್ಲಿ ಹಿಡಿದು ಪ್ರಯಾಣಿಸಬೇಕಾಗಿದೆ. ಒಂದು ಗುಂಡಿ ತಪ್ಪಿಸಲು ಹೋಗಿ ಮತ್ತೊಂದು ಗುಂಡಿಯಲ್ಲಿ ಬಿದ್ದು ಬೈಕ್ ಸವಾರರು ಗಾಯಗೊಳ್ಳುತ್ತಿದ್ದಾರೆ.

ಕಲ್ಯಾಣ ಕರ್ನಾಟಕ ಕೇಂದ್ರ ಸ್ಥಾನ ಕಲುಬರಗಿ ಹಾಗೂ ಹೈಕೋರ್ಟ್‌ಗೆ ತೆರಳಲು ಗುರುಗುಂಟಾ ಮೂಲಕವೇ ಹಾದು ಹೋಗಬೇಗಾಗಿದೆ. ಗುರುಗುಂಟಾ ಹೋಬಳಿ ಕೇಂದ್ರವಾಗಿದ್ದರಿಂದ ರೈತಸಂಪರ್ಕ ಮತ್ತು ನಾಡ ಕಾರ್ಯಾಲಯಕ್ಕೆ ಅಲ್ಲಿನ ಜನ ಹಾಗೂ ರೈತರು ಗುರುಗುಂಟಾವನ್ನೇ ನೆಚ್ಚಿಕೊಂಡಿದ್ದಾರೆ.

ಹದಗೆಟ್ಟ ರಸ್ತೆಯಿಂದ ಅಂದುಕೊಂಡ ಸಮಯಕ್ಕೆ ತಲುಪುಲಾಗುತ್ತಿಲ್ಲ. ತುರ್ತು ಚಿಕಿತ್ಸೆ ವೇಳೆ ರೋಗಿಗಳು ಪರದಾಡಿ ಪಜೀತಿಗೆ ಒಳಗಾಗುತ್ತಾರೆ. ಹದಗೆಟ್ಟ ರಸ್ತೆಯಿಂದ ವಾಹನಗಳು ಮೇಲಿಂದ ಮೇಲೆ ದುರಸ್ಥಿಗೊಳಗಾಗುತ್ತಿವೆ. ಮಳೆಗಾಲದಲ್ಲಿ ನೀರು ನಿಂತು ತಗ್ಗು ಗುಂಡಿಗಳಿಂದ ಅಪಘಾತಗಳು ಹೆಚ್ಚುತ್ತಿವೆ. ತಾಲೂಕು ಆಡಳಿತ ವರ್ಗ ಗಮನಹರಿಸಿ ರಸ್ತೆಯನ್ನು ಶೀಘ್ರ ರಿಪೇರಿಗೊಳಿಸುವಂತೆ ಪ್ರಯಾಣಿಕರು ಒತ್ತಾಯಿಸಿದ್ದಾರೆ.

ಈ ರಸ್ತೆ ಸರ್ಕಾರದ ಅಧೀನಕ್ಕೆ ಬರುತ್ತದೆಯೋ ಇಲ್ಲವೋ ಗೊತ್ತಾಗುತ್ತಿಲ್ಲ. ಶಾಶ್ವತ ರಿಪೇರಿಗೊಳಿಸದಿದ್ದರೆ, ರೈತ ಸಂಘ ಹಸಿರು ಸೇನೆಯಿಂದ ಶಾಸಕರ ಮನೆಗೆ ಮುತ್ತಿಗೆ ಹಾಕಿ ಪ್ರತಿಭಟಿಸಲಾಗುವುದು.

ಗುರುಗುಂಟಾ ಹಟ್ಟಿ ರಸ್ತೆ ವ್ಯಾಪ್ತಿಗೆ ಬರುತ್ತಿತ್ತು, ನಾಲ್ಕು ವರ್ಷಗಳ ಹಿಂದೆ ಪಿಬ್ಲುಡಿ ಸುಪರ್ಧಿಗೆ ಬಂದಿದೆ. ಎರಡು ವರ್ಷ ಜಂಗಲ್ ಕಟಿಂಗ್, ರಸ್ತೆ ರಿಪೇರಿಗೊಳಿಸಿದ್ದೇವೆ. ರಸ್ತೆ ರಿಪೇರಿಗೆ ಲಿಂಗಸಗೂರು ಶಾಸಕರು ಸರ್ಕಾರಕ್ಕೆ 4ಕೋಟಿ ರೂ. ಪ್ರಸ್ತಾವನೆ ಸಲ್ಲಿಸಿದ್ದಾರೆ. ಮಂಜೂರಾದ ತಕ್ಷಣ ಟೆಂಡರ್ ಮೂಲಕ ಕಾಮಗಾರಿ ಕೈಗೆತ್ತಿಕೊಳ್ಳಲಾಗುವುದು.

ಕರ್ನಾಟಕ