ತಾಲೂಕಿನ ಮುರಹರಪುರ ತಾಂಡದಲ್ಲಿ ಮಂಗಳವಾರ ಮಾತಾಶ್ರಿ ಜಗದಾಂಬಾ ಮರಿಯಮ್ಮ ದೇವಿ, ಸಂತ ಸೇವಾಲಾಲ್ ಮಹಾರಾಜರ ದೇವಸ್ಥಾನ ಹಾಗೂ ಮೂರ್ತಿ ಪ್ರತಿಷ್ಠಾಪನೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಪ್ರತಿದಿನ ಜಗದಾಂಬಾ ಮರಿಯಮ್ಮ ದೇವಿ ಹಾಗೂ ಸಂತ ಸೇವಾಲಾಲ್ ಮಹಾರಾಜರಿಗೆ ಪೂಜೆ ಸಲ್ಲಿಸುವುದರಿಂದ ಇಷ್ಟಾರ್ಥ ನೆರವೇರುತ್ತವೆ. ದುಶ್ಚಟ ಬಿಟ್ಟು ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡಿ ಸಮಾಜ ಸಂಘಟನೆ ಮಾಡಬೇಕು. ಸಂಘಟನೆಯಿಂದ ಅಭಿವೃದ್ಧಿ ಸಾಧ್ಯ ಎಂದರು.

ಕಲ್ಮಠ ವಿರೂಪಾಕ್ಷ ಪಂಡಿತಾರಾಧ್ಯ ಶಿವಾಚಾರ್ಯರು ದೇವಸ್ಥಾನ ಉದ್ಘಾಟಿಸಿದರು. ಜಗದಾಂಬಾ ಮರಿಯಮ್ಮ ದೇವಿ ಹಾಗೂ ಸಂತ ಸೇವಾಲಾಲ್ ಮಹಾರಾಜರ ಮೂರ್ತಿಗಳಿಗೆ ಪ್ರಾಣ ಪ್ರತಿಷ್ಠಾಪನೆ ನೆರವೇರಿಸಿ, ವಾಸ್ತುಹೋಮ ಸೇರಿ ವಿವಿಧ ಹೋಮಗಳಿಗೆ ಪೂರ್ಣಹುತಿ ಸಮರ್ಪಿಸಿದರು.

ಮಾಜಿ ಶಾಸಕ ತಿಪ್ಪರಾಜ್ ಹವಾಲ್ದಾರ್, ರಾಜ್ಯ ಜೆಡಿಎಸ್ ಯುವ ಘಟಕದ ಉಪಾಧ್ಯಕ್ಷ ರಾಜಾ ರಾಮಚಂದ್ರ ನಾಯಕ, ರಾಜ್ಯ ರೈತ ಸಂಘದ ಗೌರವಾಧ್ಯಕ್ಷ ಚಾಮರಸ ಪಾಟೀಲ್, ರಾಜ್ಯ ಬಂಜಾರ ಸೇವಾ ಸಂಘದ ಉಪಾಧ್ಯಕ್ಷರಾದ ಗೋವಿಂದರಾಜ ವಕೀಲರು, ರಾಜ್ಯ ಸಂಚಾಲಕ ಮೌನೇಶ ವಕೀಲರು, ತಾಲೂಕು ಅಧ್ಯಕ್ಷ ಗೋವಿಂದ ಗುತ್ತೇದಾರರು. ಪ್ರಮುಖರಾದ ರಾಜಾ ಶ್ಯಾಮಸುಂದರ ನಾಯಕ, ಯಂಕಪ್ಪ ಕಾರಬಾರಿ, ವೆಂಕಪ್ಪ ಪವಾರ್, ಶಿವನಗೌಡ, ಗುಮ್ಮ ಬಸವರಾಜ ವಕೀಲರು, ಚನ್ನಪ್ಪಗೌಡ, ಕರಿಯಪ್ಪ, ಮುಸ್ತಾಫ ಸಾಹುಕಾರ್ ಕಪಗಲ್ ಇತರರಿದ್ದರು.