ಜಿಲ್ಲೆಯಲ್ಲಿ ಸುಮಾರು 188 ಪಿಯುಸಿ ಕಾಲೇಜುಗಳು ಇದ್ದು ಇದರಲ್ಲಿ 8 ಅನುದಾನಿತವಾದರೆ 43 ಸರ್ಕಾರಿ ಕಾಲೇಜುಗಳು ಹಾಗೂ 137 ಖಾಸಗಿ ಕಾಲೇಜುಗಳಿವೆ. ಆದರೆ 43 ಸರ್ಕಾರಿ ಕಾಲೇಜುಗಳ ಪೈಕಿ ಕೇವಲ 04 ಕಾಲೇಜಿನಲ್ಲಿ ಮಾತ್ರ ಪ್ರಾಚಾರ್ಯರು ಇದ್ದು,39 ಹುದ್ದೆಗಳು ಖಾಲಿ ಇವೆ. ಸರ್ಕಾರಿ ಕಾಲೇಜಿನಲ್ಲಿ ಅನ್ಯ ಜಿಲ್ಲೆಯವರು 371 ಜೆ ಮೀಸಲಾತಿಯಲ್ಲಿ ಉದ್ಯೋಗ ಪಡೆದು ಜಿಲ್ಲೆಯಲ್ಲಿ ಒಂದು ವರ್ಷವಾದರು ಕೆಲಸ ಮಾಡದೆ ಸ್ವಂತ ಜಿಲ್ಲೆಗೆ ವರ್ಗವಣೆ ಮಾಡುವುದರಿಂದ ಶಿಕ್ಷಣ ಪಡೆಯುವ ಜಿಲ್ಲೆಯ ಪಿಯುಸಿ ವಿದ್ಯಾರ್ಥಿಗಳ ಮೇಳೆ ಭಾರಿ ಪೆಟ್ಟು ಬಿಳುತ್ತಿದ್ದರು ಮೊದಲ ಬಾರಿಗೆ ಉತ್ತಮ ಅಂಕ ಪಡೆದು ಸಾಧನೆ ಮಾಡಿದ್ದಾರೆ.

ಎಷ್ಟು ವಿದ್ಯಾರ್ಥಿಗಳು ಪಾಸ್

ಜಿಲ್ಲೆಯಲ್ಲಿ ಪ್ರಸಕ್ತ ಸಾಲಿನಲ್ಲಿ ಒಟ್ಟು 17,497 ವಿದ್ಯಾರ್ಥಿಗಳು ಮೊದಲ ಬಾರಿಗೆ ಪರೀಕ್ಷೆ ಬರೆದಿದ್ದು, ಈ ಪೈಕಿ ಕೇವಲ 12.967 ಜನ ವಿದ್ಯಾರ್ಥಿಗಳು ತೆರ್ಗಡೆಯಾಗಿದ್ದಾರೆ. ಈ ಪೈಕಿ 9939 ಬಾಲಕರಲ್ಲಿ 5600 ಪಾಸ್ ಅದರೆ , 11,444 ಬಾಲಕಿಯರಲ್ಲಿ 8281 ವಿದ್ಯಾರ್ಥಿನಿಯರು ಪಾಸ್ ಅಗಿದ್ದಾರೆ. ಕಳೆದ 5 ವರ್ಷದಿಂದ ಜಿಲ್ಲೆಯು ಕೇವಲ 30 ಮತ್ತು 31ನೇ ಸ್ಥಾನಕ್ಕೆ ಪೈಪೋಟಿ ನೀಡುತ್ತಿದ್ದು, ಈ ಬಾರಿಯು ಉತ್ತಮ ಅಂಕ ಗಳಿಸಿದರು,31 ನೇ ಸ್ಥಾನಕ್ಕೆ ತಲುಪಿದೆ. 2022 ರಲ್ಲಿ ಶೇ.57.94ಗಳಿಸಿ 31ನೇ ಸ್ಥಾನ ಪಡೆದರೆ, 2023ರಲ್ಲಿ ಶೇ.66.22 ರಷ್ಟು ಫಲಿತಾಂಶಗಳಿಸಿ 31ನೇ ಸ್ಥಾನ ಪಡೆಯಲಾಗಿತ್ತು. 2024 ರಲ್ಲಿ ಶೇ.73.11ರಷ್ಟು ಗಳಿಸಿದರು 30ನೇ ಸ್ಥಾನ ಪಡೆದು, 2025 ರಲ್ಲಿ ಶೇ.58.75ರಷ್ಟು ಗಳಿಸಿ 30 ನೇ ಸ್ಥಾನ ಪಡೆದು, ಈ ಬಾರಿ ಶೇ.74.11 ರಷ್ಟು ಫಲಿತಾಂಶ ಪಡೆದು 31 ನೇ ಸ್ಥಾನ ಪಡೆದಿದೆ.

ಖಾಸಗಿ ಕಾಲೇಜುಗಳಿಂದ ಜಿಲ್ಲೆಗೆ ಹೆಸರು

ಜಿಲ್ಲೆಯನ್ನು ಅರ್ಥಿಕವಾಗಿ ಮುಂದು ಬರಲು ಸರ್ಕಾರ ಸಾಕಷ್ಟು ಯೋಜನೆಗಳನ್ನು ಜಾರಿಗೆ ತಂದರು ಯಾವುದು ಅಭಿವದ್ಧಿ ಹೊಂದುತಿಲ್ಲ ಹಾಗೂ ಜಿಲ್ಲೆಯ ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ ನೀಡಲು ಉಪನ್ಯಾಸಕರ ಕೊರತೆಯಿಂದ ಸಾಕಷ್ಟು ತೊಂದರೆ ಉಂಟಾಗುತ್ತಿದ್ದು,ಇದರಿಂದ ಮಕ್ಕಳ ಕಲಿಕೆಯಲ್ಲಿ ಹಿಂದುಳಿದೆಂದು ಸಾರ್ವಜನಿಕರು ಆರೋಪ ಮಾಡುತ್ತಿದ್ದಾರೆ. ಜಿಲ್ಲೆಯಲ್ಲಿ ಸುಮಾರು 106 ಜನರ ಉಪನ್ಯಾಸಕರ ಕೊರತೆ ಇದ್ದು ,ಇರುವ ಕಾಲೇಜಿನಲ್ಲಿ 221 ಖಾಯಂ ಉಪನ್ಯಾಸಕರ ಜತೆಗೆ 141 ಜನ ಅತಿಥಿ ಉಪನ್ಯಾಸಕರು ಕಾರ್ಯನಿರ್ವಹಣೆ ಮಾಡುತ್ತಿದ್ದಾರೆ. ಈ ಬಾರಿಯು ಶೇ.80 ರಷ್ಟು ವಿದ್ಯಾರ್ಥಿಗಳು ಖಾಸಗಿ ಕಾಲೇಜಿನಲ್ಲಿ ಅಭ್ಯಾಸ ಮಾಡಿ ಉತ್ತಮ ಅಂಕ ಪಡೆದು ಜಿಲ್ಲೆಗೆ ಕೀರ್ತಿತಂದಿದ್ದಾರೆಂದು ಪಾಲಕರು ವ್ಯಂಗ್ಯವಾಗಿಬ ಟೀಕಿಸಿದ್ದಾರೆ