ತೊಗಲುಗೊಂಬೆ ಆಟ ಉಳಿಸಿ-ಬೆಳೆಸಿ

ಪಗಡದಿನ್ನಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಹಮ್ಮಿಕೊಂಡಿದ್ದ ತೊಗಲುಗೊಂಬೆ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿದರು. 

ಜಾನಪದ ಕಲೆ ಮುಂದಿನ ಪರಂಪರೆಗೆ ಬುನಾದಿ ಹಾಕುವ ಮತ್ತು ಇನ್ನೂ ವಿಜೃಂಭಣೆಗೊಳಿಸುವಲ್ಲಿ ಸರ್ಕಾರ ಇಚ್ಛಾಶಕ್ತಿ ತೋರಬೇಕು. ಜನಪದ ಕಲಾವಿದರು ಶಾಲಾ ಮಕ್ಕಳಿಗೆ ಉಚಿತವಾಗಿ ಕಲೆಗಳನ್ನು ಕಲಿಸಲು ಮನಸ್ಸು ಮಾಡಬೇಕು. ಸಾರ್ವಜನಿಕರು ಕಲಾವಿದರನ್ನು ಪ್ರೋತ್ಸಾಹಿಸಬೇಕು. ಜನಪದ ಕಲೆಗಳನ್ನು ಶಾಲೆಯಲ್ಲಿ ಅಣಿಗೊಳಿಸುವ ಮೂಲಕ ಸಮೃದ್ಧಿಗೊಳಿಸುವ ಜವಾಬ್ದಾರಿ ಎಲ್ಲರ ಮೇಲಿದೆ ಎಂದರು. 

ಅಧ್ಯಕ್ಷತೆ ವಹಿಸಿದ್ದ ಮುಖ್ಯಶಿಕ್ಷಕಿ ಗಿರಿಜಾ ಮಾತನಾಡಿ, ಇಂದಿನ ದಿನಮಾನಗಳಲ್ಲಿ ನಶಿಸಿ ಹೋಗುತ್ತಿರುವ ಜಾನಪದ ಕಲೆಗಳನ್ನು ಮಕ್ಕಳಿಗೆ ಪರಿಚಯ ಮಾಡುವಂತಹ ಕೆಲಸವನ್ನು ಸರ್ಕಾರ ಮತ್ತು ಕಲಾವಿದರು ಮಾಡಬೇಕು ಎಂದು ತಿಳಿಸಿದರು. ಬಳಿಕ ತೊಗಲುಗೊಂಬೆ ತಯಾರಿಸುವುದು ಮತ್ತು ಪ್ರದರ್ಶನ ನೀಡುವ ಕುರಿತು ಮಾಹಿತಿ ನೀಡಲಾಯಿತು. ಶಿಕ್ಷಕ ಶ್ರೀನಿವಾಸ, ವೀರಗಾಸೆ ಕಲಾವಿದ ಬಸವರಾಜ, ರಂಗಭೂಮಿ ಕಲಾವಿದ ಎಂ.ಗುಂಡಪ್ಪ ಇದ್ದರು.