ಸನ್ಮಾರ್ಗದಲ್ಲಿ ನಡೆಯಲು ಸಂಕಲ್ಪ ಮಾಡಿ

ಪಟ್ಟಣದ ಈದ್ಗಾ ಮೈದಾನದಲ್ಲಿ ಬಕ್ರೀದ್ ಹಬ್ಬದ ನಿಮಿತ್ತ ಆಯೋಜಿಸಿದ್ದ ಸಾಮೂಹಿಕ ಪ್ರಾರ್ಥನೆ ನಂತರ ಧರ್ಮ ಉಪದೇಶ ನೀಡಿದರು. ಈ ವರ್ಷ ಉತ್ತಮ ಮಳೆ ಬೆಳೆ ಬರುವ ಜತೆಗೆ ರೈತರ ಬದುಕು ಹಸನಾಗಲಿ ಎಂದು ಪ್ರಾರ್ಥನೆ ಮಾಡಲಾಗಿದೆ. ಮುಸ್ಲಿಮರು ಸಮಾಜದ ಇತರ ಜನರೊಂದಿಗೆ ಶಾಂತಿ ಸೌಹಾರ್ದದಿಂದ ಬದುಕು ಕಟ್ಟಿಕೊಳ್ಳಬೇಕು. ಬದುಕು ದೇವರ ಕೊಟ್ಟಿರುವ ಅವಕಾಶವಿದ್ದು, ಪ್ರತಿಯೊಬ್ಬರೂ ಮಾನವೀಯ ಮೌಲ್ಯಗಳನ್ನು ಬೆಳೆಸಿಕೊಂಡು ಉತ್ತಮ ಜೀವನ ನಡೆಸಬೇಕು ಎಂದರು. 

ವಿವಿಧ ಮಸೀದಿಗಳಲ್ಲಿ ಮುಸ್ಲಿಮರು ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿ ಶುಭಾಶಯಗಳು ವಿನಿಮಯ ಮಾಡಿಕೊಂಡರು. ವಿವಿಧ ಪಕ್ಷದ ರಾಜಕೀಯ ನಾಯಕರು ಮುಸ್ಲಿಮರಿಗೆ ಶುಭಾಶಯ ಕೋರಿದರು. 

ಧರ್ಮಗುರು ಜಹೀರ್ ಅಬ್ಬಾಸ್, ಜಹೀರುದ್ದೀನ್ ಪಾಷಾ ತಾತ, ಪ್ರಮುಖರಾದ ಇರ್ಫಾನ್ ಹಫೀಜ್, ಅಮೀನ್ ಪಾಷಾ ಗೌರಂಪೇಟೆ, ಫಾರೂಕ್ ಅಹ್ಮದ್, ಜುನೇದ್ ಹಫೀಸ್, ಮೊಹಮ್ಮದ್ ಅಬ್ದುಲ್, ಹಫೀಸ್, ಮಹಮ್ಮದ್ ಸೋಫಿಯಾನ, ಸುಲೇಮಾನ್ ಸಾಬ್, ಜಾಕೀರ್ ಹುಸೇನ್ ಖಾಜಿ ಇತರರಿದ್ದರು.