ಪ್ರಾಥಮಿಕ ಆರೋಗ್ಯ ಕೇಂದ್ರದ ಸುತ್ತ ತಡೆಗೋಡೆ, ಮೂಲ ಸೌಕರ್ಯ ವ್ಯವಸ್ಥೆ ಮಾಡಬೇಕು. ರಾತ್ರಿ ವೇಳೆಯೂ ರೋಗಿಗಳಿಗೆ ಚಿಕಿತ್ಸೆ ನೀಡಬೇಕು. ವೈದ್ಯರು ಹಾಗೂ ಸಿಬ್ಬಂದಿ ಹುದ್ದೆ ಖಾಲಿ ಇದ್ದು, ಕೂಡಲೇ ನೇಮಕ ಮಾಡಬೇಕು.

ಆಸ್ಪತ್ರೆಯಲ್ಲಿ ರಕ್ತಪರೀಕ್ಷೆ, ಕುಟುಂಬ ನಿಯಂತ್ರಣ ಯೋಜನೆಯ ಶಸ್ತ್ರಚಿಕಿತ್ಸೆ, ಹೆರಿಗೆ, ತಪಾಸಣೆ, ಆಂಬುಲೆನ್ಸ್ ವ್ಯವಸ್ಥೆ, ನಾಯಿ ಕಡಿತಕ್ಕೆ ಚಿಕಿತ್ಸೆ ಸೇರಿ ಅಗತ್ಯ ಔಷಧಗಳನ್ನು ಒದಗಿಸಬೇಕು. ಶುದ್ಧ ಕುಡಿವ ನೀರಿನ ವ್ಯವಸ್ಥೆ ಮಾಡಬೇಕು ಎಂದು ಒತ್ತಾಯಿಸಿದರು.

ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ.ಹನುಮೇಶ ನಾಯ್ಕ, ಜನವೇದಿಕೆ ಸದಸ್ಯ ಯಂಕೋಬಾ ನಾಯಕ್, ದಲಿತ ಸಂಘಟನೆಯ ಶಿವಜ್ಞಾನಿ, ಪ್ರಮುಖರಾದ ಈಶಮ್ಮ, ಸಿದ್ದಲಿಂಗಮ್ಮ, ಹಂಪಯ್ಯ, ದೇವರಾಜ, ಸುಂಕ್ಲಮ್ಮ, ದೇವರಾಜ ಕೊಟ್ನೇಕಲ್, ಶ್ರೀದೇವಿ, ಸದಾನಂದ, ಯೇಸಪ್ಪ ಇತರರಿದ್ದರು.