ಸುಂದರ ಪಟ್ಟಣ ನಿರ್ಮಾಣಕ್ಕೆ ಆದ್ಯತೆ

ಪಟ್ಟಣದಲ್ಲಿ ರಸ್ತೆ ವಿಭಜಕ, ಬೀದಿದೀಪ ನಿರ್ಮಾಣ ಸೇರಿ ಎರಡೂವರೆಗೆ ಕೋಟಿ ವೆಚ್ಚದ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಚಾಲನೆ ನೀಡಿ ಭಾನುವಾರ ಮಾತನಾಡಿದರು.

ಸುಂದರ ಪಟ್ಟಣ ನಿರ್ಮಾಣ ಮಾಡುವುದು ನನ್ನ ಕನಸಾಗಿದ್ದು ರಾಜಕೀಯ ಮೀರಿ ಅದನ್ನು ನನಸು ಮಾಡಲು ಶ್ರಮಿಸುತ್ತಿದ್ದೇನೆ. ಕೆಕೆಆರ್‌ಡಿಬಿಯಿಂದ ಮೊದಲ ಹಂತದಲ್ಲಿ ಬಿಎಚ್ ಕಲ್ಯಾಣ ಮಂಟಪದಿಂದ ಸಾರ್ವಜನಿಕ ಕ್ಲಬ್ ಮೈದಾನವರೆಗೆ ರಸ್ತೆ ವಿಭಜಕ, ಬೀದಿದೀಪ ಅಳವಡಿಕೆ ಕಾರ್ಯ ನಡೆಯುತ್ತಿದೆ. ಈಗ ಜೆಪಿ ವೃತ್ತದಿಂದ ವಾಲ್ಮೀಕಿ ವೃತ್ತದವರೆಗೆ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ ನೀಡಲಾಗಿದೆ.

ರಾಜಕೀಯದಲ್ಲಿ ಟೀಕೆ, ಟಿಪ್ಪಣೆ ಬರುವುದು ಸಹಜ. ಹಾಗಂತ ಕೆಲಸ ನಿಲ್ಲಿಸಲು ಆಗಲ್ಲ. ಅಭಿವೃದ್ಧಿ ವಿಷಯದಲ್ಲಿ ರಾಜಕೀಯ ಮಾಡಲಾರೆ. ಎಲ್ಲ ವಾರ್ಡ್‌ಗಳಿಗೆ ಅಗತ್ಯ ಮೂಲಸೌಲಭ್ಯ ಕಲ್ಪಿಸಲು ಯೋಜನೆ ರೂಪಿಸಲಾಗಿದೆ. ಅಲ್ಲದೆ ಗ್ರಾಮೀಣ ಭಾಗಕ್ಕೂ ಕುಡಿವನೀರು, ಸಿಸಿ ರಸ್ತೆ ಸೇರಿ ವಿವಿಧ ಕೆಲಸಕ್ಕೆ ಅನುದಾನ ನೀಡಲಾಗಿದೆ. ಜನರು ಕೆಲಸವನ್ನು ಸಮರ್ಪಕವಾಗಿ ಬಳಸಿಕೊಳ್ಳಬೇಕು ಎಂದು ಹೇಳಿದರು.

ಲೋಕೋಪಯೋಗಿ ಎಡಿಇ ಬನ್ನಪ್ಪ, ಪುರಸಭೆ ಮುಖ್ಯಾಧಿಕಾರಿ ಕೆ.ಹಂಪಯ್ಯ, ಮುಖಂಡರಾದ ನಾಗರಾಜ ಪಾಟೀಲ್, ಸಿದ್ದಣ್ಣ ಗಣೇಕಲ್, ದೊಡ್ಡ ರಂಗಣ್ಣ ಪಾಟೀಲ್, ಲಕ್ಷ್ಮಣ ಅಕ್ಕರಕಿ ಇತರರಿದ್ದರು.