ಪ್ರಮುಖ ಮುಖ್ಯಾಂಶಗಳು

• 6 ವಿದ್ಯಾರ್ಥಿಗಳಿಗೆ ನಗದು ಬಹುಮಾನ
• ಮುಂದಿನ ಪೀಳಿಗೆಗಾಗಿ ಗಿಡ ಮರಗಳ ಬೆಳಸಿ
• -ಡಿವೈಎಸ್ಪಿ ಶಾಂತವೀರ ಸಲಹೆ

ವಿಆರ್‌ಎಲ್ ಬಗ್ಗೆ ಮೆಚ್ಚುಗೆ
ವಿಜಯವಾಣಿ ಹಾಗೂ ವಿಆರ್‌ಎಲ್ ಸಂಸ್ಥೆಗಳು ದೇಶದಲ್ಲಿಯೇ ಉನ್ನತ ಸ್ಥಾನದಲ್ಲಿದೆ. ’ವಿಜಯವಾಣಿ’ ದಿನಪತ್ರಿಕೆ ಸಾಮಾಜಿಕ ಕಳಕಳಿಯಿಂದ ಇಂತಹ ಕಾರ್ಯಕ್ರಮ ಆಯೋಜಿಸಿ ಸಾರ್ವಜನಿಕರಲ್ಲಿ ಅರಿವು ಮೂಡಿಸುತ್ತಿದೆ. ಕಳೆದ ಹಲವು ವರ್ಷಗಳಿಂದ ವಿನೂತನ ಕಾರ್ಯಕ್ರಮ ಆಯೋಜಿಸುವಲ್ಲಿ ವಿಜಯವಾಣಿ ಮುಂದೆ ಇದೆ. ಜತೆಗೆ ವಿಆರ್‌ಎಲ್ ಚೆರ್ಮೆನ್ ವಿಜಯ ಸಂಕೇಶ್ವರ ಅವರು ಪ್ರತಿ ದಿನ ಬೆಳಗ್ಗೆ 3 ಗಂಟೆಗೆ ಎದ್ದು ವಿಆರ್‌ಎಲ್ ಸಂಸ್ಥೆಯ ಲಾರಿ ಹಾಗೂ ಬಸ್‌ಗಳ ಟೈಯರ್‌ಗಳನ್ನು ಪರಿಶೀಲಿಸಿ ಎಷ್ಟು ಕಿಮೀ ಓಡುತ್ತವೆ ಎಂದು ತಿಳಿಸುತ್ತಾರೆ. ಸಂಸ್ಥೆಯಲ್ಲಿ ಪ್ರತಿಯೊಬ್ಬರನ್ನೂ ಗೌರವದಿಂದ ಕಾಣುತಿರುವುದುದರಿಂದ ಸಂಸ್ಥೆ ದೊಡ್ಡ ಮಟ್ಟವಾಗಿ ಬೆಳೆದಿದೆ ಎಂದು ಹೇಳಿದರು.

6 ಜನರಿಗೆ ಪ್ರಶಸ್ತಿ
ವಿಜಯವಾಣಿ’ ಆಯೋಜಿಸಿದ್ದ ಚಿತ್ರಕಲಾ ಸ್ಪರ್ಧೆಗೆ ವಿದ್ಯಾರ್ಥಿಗಳಿಂದ ಉತ್ತಮ ಸ್ಪಂದನೆ ದೊರೆಯಿತು. 7 ರಿಂದ 14 ವರ್ಷದೊಳಗಿನ 500 ಕ್ಕೂ ಅಧಿಕ ವಿದ್ಯಾರ್ಥಿಗಳು ಅತ್ಯಂತ ಉತ್ಸಾಹದಿಂದ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದರು. ಮಕ್ಕಳು ಕುಂಚದ ಮೂಲಕ ಪ್ರಕೃತಿಯ ವಿವಿಧ ಅಯಾಮಗಳನ್ನು ಬಣ್ಣ ಬಣ್ಣದ ಚಿತ್ರಗಳಾಗಿ ಹಾಳೆಯ ಮೇಲೆ ಇಳಿಸುವ ಮೂಲಕ ಪರಿಸರ ಸಂರಕ್ಷಣೆಯ ಜಾಗೃತಿ ಮೂಡಿಸಿ ಕಾಳಜಿ ಮೆರೆದರು. 6 ರಿಂದ 8ನೇ ತರಗತಿ ಹಾಗೂ 9 ಮತ್ತು 10 ನೇ ತರಗತಿಯ ವಿದ್ಯಾರ್ಥಿಗಳಿಗೆ ಒಟ್ಟು ಎರಡು ವಿಭಾಗಗಳನ್ನು ಮಾಡಲಾಗಿತ್ತು, ಈ ಪೈಕಿ 8 ನೇ ತರಗತಿಯ ವಿದ್ಯಾರ್ಥಿನಿ ನಿಧಿಶ್ರೀಗೆ ಪ್ರಥಮ ಸ್ಥಾನ 3 ಸಾವಿರ ನಗದು ಬಹುಮಾನ, ಸಮಂತಗೆ ದ್ವಿತೀಯ ಸ್ಥಾನ 2 ಸಾವಿರ ನಗದು ಬಹುಮಾನ, ಸ್ವಪ್ನ ಭಂಡಾರಿ ತೃತೀಯ 1 ಸಾವಿರ ನಗದು ಬಹುಮಾನ ಹಾಗೂ 9 ರಿಂದ 10 ನೇ ತರಗತಿಯಲ್ಲಿ 9 ನೇತರಗಿಯ ವಿದ್ಯಾರ್ಥಿನಿ ವೈ.ಜಿ ಅಕಿರಗೇ ಪ್ರಥಮ ಸ್ಥಾನ 3 ಸಾವಿರ ನಗದು ಬಹುಮಾನ, ಶ್ರೀರಾಮಗೆ ದ್ವಿತೀಯ ಸ್ಥಾನ 2 ಸಾವಿರ ನಗದು ಹಾಗೂ 10 ನೇ ತರಗತಿಯ ಶ್ವೇತಾಗೆ ತೃತಿಯ ಸ್ಥಾನ 1 ಸಾವಿರ ನಗದು ಬಹುಮಾನದ ಜತೆಗೆ 10 ಜನ ವಿದ್ಯಾರ್ಥಿಗಳಿಗೆ ಗಣ್ಯರು ಬಹುಮಾನ ವಿತರಿಸಿದರು. ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲರಿಗೂ ಪ್ರಶಂಸಾ ಪತ್ರ ನೀಡಿ ಪ್ರೋತ್ಸಾಹಿಸಲಾಯಿತು.