ರಸ್ತೆಯ ಪಕ್ಕದಲ್ಲಿ ಬಿದ್ದಿರುವ ಎಲ್ಲಾ ಔಷಧಿ, ಸಿರೆಂಜ್‌ಗಳ ಎಕ್ಷಪಯರಿ ಡೇಟ್ ಇನ್ನು ಒಂದು ವರ್ಷಯಿದೆ. ಆದರು ಈ ಔಷಧಿಗಳನ್ನು ಯಾಕೆ ಬೀಸಾಡಿದ್ದಾರೆ ಅನ್ನೋದು ಗೊಂದಲಕ್ಕೆ ಕಾರಣವಾಗಿದೆ. ಮಕ್ಕಳ ಔಷಧಿ ಹೆಚ್ಚಾಗಿ ಪತ್ತೆಯಾಗಿದ್ದು, ಕೆಮ್ಮು, ಜ್ವರ ಮೈಕೈ ನೋವು, ಮಲ್ಟಿ ವಿಟಮಿನ್ ಸಿರಪ್ ಬಾಟಲ್‌ಗಳು ಬಿದ್ದಿವೆ. ವೈದ್ಯರ ಸ್ಯಾಂಪಲ್‌ಗಳು ಮಾರಾಟಕ್ಕಿಲ್ಲ ಅನ್ನೋ ಬರಹಗಳು ಔಷಧಿ ಬಾಟಲ್‌ಗಳ ಮೇಲೆ ಬರೆಯಲಾಗಿದೆ. ಹೀಗಾಗಿ ಇದು ಸರ್ಕಾರಿ ಆಸ್ಪತ್ರೆಗಳ ಸ್ಯಾಂಪಲ್ಲಾ, ಖಾಸಗಿ ವೈದ್ಯರಿಗೆ ನೀಡಿದ ಅಥವಾ ನೀಡಬೇಕಾದ ಸ್ಯಾಂಪಲ್ ಔಷಧಿಗಳೆಂದು ಸಾರ್ವಜನಿಕರು ಗೊಂದಲಕ್ಕೀಡಾಗಿದ್ದಾರೆ.

ಬಡ ರೋಗಿಗಳು ಔಷಧಿ ಕೊಳ್ಳುವುದು ಎಷ್ಟು ಕಷ್ಟಕರ , ಅಲ್ಲದೇ ಎಷ್ಟೋ ಬಾರಿ ಸರ್ಕಾರಿ ಆಸ್ಪತ್ರೆಗಳಲ್ಲಿ ಹೊರಗಡೆ ಔಷಧಿ ಬರೆಯುತ್ತಾರೆ. ಅಂತಹದರಲ್ಲಿ ಬೇಕಾಬಿಟ್ಟಿ ರಸ್ತೆ ಪಕ್ಕ ಔಷಧಿ ಬೀಸಾಡಿರುವುದಕ್ಕೆ ಜನ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಕೆಲವು ಔಷಧಿಗಳ ಎಕ್ಸಪಯಿರಿ ಡೇಟ್ ಆಗಸ್ಟ್ 2027 ಇದ್ದರೆ ಇನ್ನೂ ಕೆಲವಂದು ಡಿಸೆಂಬರ್ 2027 ಇದೆ ಹೀಗಿರುವಾಗ ಔಷಧಿಯನ್ನು ಬೀಸಾಡಿರುವುದು ಯಾಕೆ ಅನ್ನೋದು ತಿಳಿಯುತ್ತಿಲ್ಲ. ಜಿಲ್ಲಾ ಔಷಧ ನಿಯಂತ್ರಣಾಧಿಕಾರಿಗಳೇ ತನಿಖೆ ನಡೆಸಿ ಇದರ ಸತ್ಯಾಸತ್ಯತೆ ಬಯಲಿಗೆಳೆಯಬೇಕಿದೆ. ಸಾಮಾನ್ಯವಾಗಿ ಖಾಸಗಿ ಔಷಧಿ ಕಂಪನಿಗಳ ಮೆಡಿಕಲ್ ರೆಪ್ರೆಸೆಂಟೇಟಿವ್‌ಗಳು ತಮ್ಮ ಕಂಪನಿ ಸ್ಯಾಂಪಲ್‌ಗಳನ್ನ ವೈದ್ಯರಿಗೆ, ಮೆಡಿಕಲ್ ಶಾಪ್‌ಗಳಿಗೆ ನೀಡಿರುತ್ತಾರೆ. ಅಂತಹದೇ ಸ್ಯಾಂಪಲ್‌ಗಳನ್ನು ಬೀಸಾಡಲಾಗಿದೆ. ಇದು ಯಾರ ಯಡವಟ್ಟು ಅನ್ನೋದು ಬಯಲಾಗಬೇಕಿದೆ.