ಹೆಚ್ಚಿನ ಸಮಯದಲ್ಲಿ ಮಾವಿನ ಇಳುವರಿ ಈ ಬಾರಿಯು ಕಡಿಮೆ ಬಂದಿದ್ದು, ಆದರೂ ರೈತರು ಸಿಹಿಯಾದ ಹಣ್ಣುಗಳನ್ನು ಸಂತಸದಿಂದ ಮಾರುಕಟ್ಟೆಗೆ ತೆಗೆದುಕೊಂಡು ಬಂದರೆ, ದಲ್ಲಾಳಿಗಳ ಕಾಟದಿಂದ ಕೈಗೆ ಬಂದ ತುತ್ತು ಬಾಯಿಗೆ ಬರುತ್ತಿಲ್ಲ ಎಂದು ರೋಧನೆ ವ್ಯಕ್ತಪಡಿಸಿ ರೈತರೇ ಹಳ್ಳಿ ಹಳ್ಳಿ ಸಂಚಾರ ಮಾಡಿ ಮಾವು ಮಾರಾಟಕ್ಕೆ ಮುಂದಾಗಿದ್ದಾರೆ.

ಡಿಸೆಂಬರ್ ಹಾಗೂ ಜನವರಿ ತಿಂಗಳಿನಲ್ಲಿ ಸುರಿದ ಅಕಾಲಿಕ ಮಳೆಯಿಂದ ಜಿಲ್ಲೆಯಲ್ಲಿ 1000 ಹೇಕ್ಟರ್ ಪ್ರದೇಶದಲ್ಲಿ ಮಾವು ಬೆಳೆಯಲಾಗಿದ್ದು, ಹೆಚ್ಚಿನ ಪ್ರಮಾಣದಲ್ಲಿ ರಾಯಚೂರು ತಾಲೂಕಿನ ಚಂದ್ರಬಂಡಾ ಹೋಬಳಿ , ಯರಗೇರಾ ,ತುಂಗಭದ್ರಾ ,ಕೃಷ್ಣ ನದಿ ದಡದ ಗ್ರಾಮಗಳಲ್ಲಿ ಮಾವುನ್ನು ಯತೇಚ್ಛವಾಗಿ ಬೆಳೆಯಾಗುತ್ತದೆ. ಆದರೆ ಈ ಬಾರಿ ಮಾತ್ರ ಫಲಲು ಅಂದುಕೊಂಡಂತೆ ಬಂದಿಲ್ಲ. ಮಾವು ಬೆಳೆಯುವ ರೈತರಿದ್ದು ಎಕರೆಗೆ ಕನಿಷ್ಠ 10 ಟನ್‌ನಿಂದ ನಿಂದ 15 ಟನ್‌ವರೆಗೆ ಇಳುವರಿ ತೆಗೆಯಬಹುದು ಆದರೆ, ಈ ಬಾರಿ ಕೇವಲ 5 ರಿಂದ 6 ಟನ್ ಮಾತ್ರ ಇಳುವರಿ ಬಂದಿದ್ದು, ಅದು ಕೂಡ ಉತ್ತಮ ಫಸಲು ಎನ್ನುವಂತಿಲ್ಲ. ಇದರಿಂದ ರೈತರಿಗೆ ಲಾಭಕ್ಕಿಂತ ನಷ್ಟವೇ ಹೆಚ್ಚು ಎನ್ನುವಂತಾಗಿದೆ.ಮಾವಿನ ತೋಟ ಹೊಂದಿದ ಮಾಲೀಕರು ತೋಟದಲ್ಲಿ 100 ಮಾವಿನಗಿಡಕ್ಕೆ ವರ್ಷಕ್ಕೆ ಈ ಬಾರಿ 4 ಲಕ್ಷ ರೂ.ದಂತೆ ತೋಟವನ್ನು ಲಿಜ್ ಗೆ ನೀಡುತ್ತಿದ್ದು, ಈ ಬಾರಿ ಲಿಜ್ ಪಡೆದವರ ಪರಸ್ಥಿತಿ ಚಿಂತಾಜನಕವಾಗಿದ್ದು, ಒಂದು ಮಾವಿನ ತೋಟಕ್ಕೆ ಔಷಧ, ರಸಗೊಬ್ಬರ ಸೇರಿ ಸುಮಾರು 8 ಲಕ್ಷ ರೂ.ಖರ್ಚಾಗಿದ್ದು, ಹಾಕಿದ ಬಂಡವಾಳದಲ್ಲಿ ಕೇವಲ 2 ಲಕ್ಷ ರೂ. ಮಾತ್ರ ಬಂದರೆ ಸಾಕು ಎಂದು ಮಾವು ಬೆಳೆಗಾಗರರು ಪರದಾಡುತ್ತಿದ್ದಾರೆ.

ಜಿಲ್ಲೆಯಲ್ಲಿ ಶೇ.90ಕ್ಕೂ ಹೆಚ್ಚು ರೈತರು ಬೆನ್‌ಶ್ಯಾನ್ ತಳಿಯ ಮಾವುಗಳನ್ನೇ ಬೆಳೆಯುತಿದ್ದು,ಇಲ್ಲಿನ ವಾತಾವರಣಕ್ಕೆ ಅದು ಹೆಚ್ಚು ಸೂಕ್ತವಾಗಿದೆ. ಅದು ಬಿಟ್ಟರೆ ಅಲ್ಲಲ್ಲಿ ಬ್ಲೇಸರಿ ತಳಿಯ ಮಾವು ಬೆಳೆಯಲಾಗುತ್ತಿದ್ದು, ರೈತರು ತಾವು ಬೆಳೆದ ಬೆಳೆಯನ್ನು ಮಾರುಕಟ್ಟೆಗೆ ತಂದರೆ ಕೇವಲ ಕೆಜಿಗೆ 30 ರೂ. ಮಾತ್ರ ಪಡೆದುಕೊಂಡು ಗ್ರಾಹಕರಿಗೆ ಕೆಜಿಗೆ 100 ರೂ. ಅವರೇ ಮಾರಾಟ ಮಾಡುತ್ತಾರೆ. ಅದರಿಂದ ಯಾವುದೇ ಸ್ಥಳೀಯ ರೈತರು ಮಾರುಕಟ್ಟೆಗೆ ತೆರಳದೆ ಸುಮಾರು 30 ಕ್ಕೂ ಅಧಿಕ ಆಟೋದಲ್ಲಿ ಬೆಳೆಗಾರರು ಮಾವುನ್ನು ಹಳ್ಳಿಹಳ್ಳಿಗೆ ತೇರಳಿ 70ಕೆಜಿ ಯಂತೆ ಮಾವು ಮಾರಾಟ ಮಾಡಲು ಮುಂದಾಗಿದ್ದಾರೆ.

ಈ ಬಾರಿ ಸ್ಥಳೀಯ ರೈತರು ಕಡಿಮೆ ಬೆಲೆಗೆ ಮಾರಾಟ ಮಾಡದೆ ಸ್ವತಃ ತಾವೇ ವ್ಯಾಪಾರಕ್ಕೆ ಮುಂದಾಗಿರುವುದರಿಂದ ದಲ್ಲಾಳಿಗಳು ಬೇರೆ ರಾಜ್ಯಗಳಿಂದ ಹಣ್ಣು ಆಮದು ಮಾಡಿಕೊಳ್ಳುತ್ತಿದ್ದಾರೆ. ಹೀಗಾಗಿ ಬೆಲೆಯೂ ಹೆಚ್ಚಾಗಿದೆ. ಈ ಬಾರಿ ಕೆಜಿ ಮಾವುಗೆ 60 ರಿಂದ 70 ರೂ.ಗೆ ಮಾರಾಟ ಮಾಡಲಾಗುತ್ತಿದೆ. ಇವುಗಳ ಜತೆಗೆ ಸಮಯ ಮೀರಿ ಈ ಬಾರಿ ಉಳಿದ ಮಲಗೋಬಾ, ತೋತಾಪುರಿ, ರಸಪುರಿ, ಸಿಂಧೂರಿ ಸೇರಿ ವಿವಿಧ ತಳಿಯ ಹಣ್ಣುಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ.

ಮಾವಿನ ಹಣ್ಣುಗಳನ್ನು ನಾವು ತೋಟದಿಂದ ನೇರವಾಗಿ ಆಟೋಗಳ ಮೂಲಕ ದೊಡ್ಡ ದೊಡ್ಡ ನಗರಗಳಿಗೆ ಮಾರಾಟ ಮಾಡುತ್ತಿದ್ದು, ಈ ಹಣ್ಣಿನಲ್ಲಿ ಯಾವುದೇ ರಾಸಾಯನಿಕ ಹಾಕದೆ ಗಿಡದಿಂದ ಬಂದ ಹಣ್ಣುಗಳನ್ನು ಗ್ರಾಹಕರಿಗೆ ಕಡಿಮೆ ದರದಲ್ಲಿ ಮಾರಾಟ ಮಾಡುತ್ತಿದ್ದೇವೆ.

ಮಲ್ಲಿಕಾ ಮಾವು ಬೆಳೆಗಾರರು

ಪ್ರತಿ ವರ್ಷ 3 ರಿಂದ 4 ಸಾವಿರ ಹೆಕ್ಟರ್ ಪ್ರದೇಶದಲ್ಲಿ ಮಾವು ಬೆಳೆಯಲಾಗುತ್ತಿತ್ತು. ಆದರೆ ಈ ಬಾರಿ ಅಕಾಲಿಕ ಮಳೆ ಹಾಗೂ ಉಷ್ಣಾಂಶ ಹೆಚ್ಚಳದಿಂದ ಈ ಬಾರಿ ಮಾಹಿನ ಹಣ್ಣಿನ ಫಸಲು ಕಡಿಮೆ ಬಂದಿದ್ದು, ರೈತರಿಗೆ ಕಷ್ಟವಾಗಿದೆ. ಆದರಿಂದ ರೈತರು ಹಳ್ಳಿ ಹಳ್ಳಿಗೆ ತೆರಳಿ ಮಾವು ಮಾರಾಟ ಮಾಡಿ ಲಾಭ ಪಡೆಯಲು ಮುಂದಾಗಿದ್ದಾರೆ.

ಮಹ್ಮದ್ ಅಲಿ ಉಪ ನಿರ್ದೇಶಕ ತೋಟಗಾರಿಕೆ ಇಲಾಖೆ ರಾಯಚೂರು