ಮೂಢನಂಬಿಕೆ ಬಿಟ್ಟು ಚಿಕಿತ್ಸೆ ಪಡೆಯಿರಿ

ತಾಲೂಕಿನ ವೆಂಕಟೇಶ್ವರಕ್ಯಾಂಪಿನಲ್ಲಿ ಸೋಮವಾರ ಜಿಪಂ,ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ರಾಯಚೂರು ಮತ್ತು ತಾಲೂಕು ಆರೋಗ್ಯಾಧಿಕಾರಿಗಳ ಕಚೇರಿ ಸಂಯುಕ್ತಾಶ್ರಯದಲ್ಲಿ ಆಯೋಜಿಸಿದ್ದ ಜಾಗೃತಿ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಸಾರ್ವಜನಿಕರು ಸಾಮಾನ್ಯವಾಗಿ ಮಾಡುವ ಸಣ್ಣ ಪುಟ್ಟ ತಪ್ಪುಗಳು ಮತ್ತು ವಿಳಂಬ ಧೋರಣೆಗಳು ರೋಗಿಯ ಪ್ರಾಣಕ್ಕೆ ಸಂಚಕಾರ ತರುತ್ತಿವೆ. ವಿಶಾಲವಾದ ಮನೆಗಳಿರಲಿ ಅಥವಾ ತೋಟದ ಮನೆಗಳಿರಲಿ, ರಾತ್ರಿ ವೇಳೆಯಲ್ಲಿ ಸರೀಸೃಪಗಳಿಗೆ ಮತ್ತು ಇತರ ವಿಷ ಜಂತುಗಳಿಗೆ ಬೇರೆ ಕಡೆ ಹೋಗಲು ಸೂಕ್ತ ದಾರಿ ಇಲ್ಲದಂತೆ ಬಾಗಿಲುಗಳನ್ನು ಮುಚ್ಚಿ ಮಲಗುವುದರಿಂದ ಅನೇಕ ಬಾರಿ ಹಾವು ಕಡಿತದಂಥ ಅವಘಡಗಳು ಸಂಭವಿಸುತ್ತವೆ. ಹೀಗಾಗಿ ರಾತ್ರಿ ಮಲಗುವಾಗ ಜಾಗರೂಕರಾಗಿರುವುದು ಮತ್ತು ವಿಷಜಂತುಗಳ ಸಂಚಾರಕ್ಕೆ ಅಡ್ಡಿಯಾಗದಂತೆ ಎಚ್ಚರ ವಹಿಸುವುದು ಅತ್ಯಂತ ಮುಖ್ಯ ಎಂದರು.

ತಾಲೂಕು ಹಿರಿಯ ಆರೋಗ್ಯ ಸಹಾಯಕ ಸಂಗನಗೌಡ ಪಾಟೀಲ್ ಮಾತನಾಡಿ, ಹೆಚ್ಚಿನ ಸಂದರ್ಭಗಳಲ್ಲಿ ಹಾವು ಕಡಿತಕ್ಕೊಳಗಾದ ತಕ್ಷಣ ಜನರು ತೀವ್ರ ಆತಂಕಕ್ಕೆ ಒಳಗಾಗಿ, ವೈಜ್ಞಾನಿಕ ಚಿಕಿತ್ಸೆಯನ್ನು ಮರೆತು ಸ್ಥಳೀಯ ಮಾಂತ್ರಿಕರ ಹತ್ತಿರ ಓಡುವುದು ಇಂದಿಗೂ ಕಂಡುಬರುತ್ತಿದೆ. ನಾಟಿ ವೈದ್ಯರ ಬಳಿ ಹೋಗಿ ಬೇರು ಕುಡಿಸುವುದು, ಮಂತ್ರಿಸುವುದು ಹಾಗೂ ಅರ್ಹತೆಯಿಲ್ಲದ ಅನಧಿಕೃತ ವ್ಯಕ್ತಿಗಳ ಹತ್ತಿರ ಹೋಗಿ ಅವೈಜ್ಞಾನಿಕ ಚಿಕಿತ್ಸೆ ಕೊಡಿಸುವುದರಿಂದ ಅಮೂಲ್ಯವಾದ ಸಮಯ ವ್ಯರ್ಥವಾಗುತ್ತದೆ ಎಂದರು.