ಪ್ರಾಣ ದೇವರ ಸನ್ನಿದಿಯಲ್ಲಿ ಕುಂಕುಮಾರ್ಚನೆ

ಕಾರ್ಯಕ್ರಮದಲ್ಲಿ ಅರ್ಚಕ ಆನಂದ ಆಚಾರ್ಯ ಮಾತನಾಡಿ, ಅಧಿಕ ಮಾಸವು ಧಾರ್ಮಿಕವಾಗಿ ಮಹತ್ವದ ಕಾಲವಾಗಿದ್ದು, ಈ ಸಮಯದಲ್ಲಿ ಮಾಡುವ ದೇವತಾ ಕಾರ್ಯಗಳು ಅಪಾರವಾದ ಪುಣ್ಯ ಫಲವನ್ನು ನೀಡುತ್ತವೆ ಎಂಬ ನಂಬಿಕೆ ಇದೆ. ಈ ಉದ್ದೇಶದಿಂದ, ಮುಂಗ್ಲಿ ಪ್ರಾಣದೇವರ ಸನ್ನಿಧಾನದಲ್ಲಿ ಧಾರ್ಮಿಕ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ ಎಂದರು.

ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಅನೇಕ ಮಹಿಳೆಯರು ಕುಂಕುಮದಲ್ಲಿ ದೇವತೆಯನ್ನು ಆವಾಹನೆ ಮಾಡಿ, 333 ನಾಮಾವಳಿಗಳೊಂದಿಗೆ ಶ್ರದ್ಧಾ ಭಕ್ತಿಯಿಂದ ಕುಂಕುಮಾರ್ಚನೆಯನ್ನು ನಡೆಸಿ ಶ್ರೀ ಲಕ್ಷ್ಮೀ ನಾರಾಯಣನ ಅನುಗ್ರಹಕ್ಕಾಗಿ, ದೀರ್ಘಕಾಲದ ಸುಮಂಗಲಿ ಭಾಗ್ಯಕ್ಕಾಗಿ ಹಾಗೂ ಸತ್ಸಂತಾನ ಪ್ರಾಪ್ತಿಗಾಗಿ ಪ್ರಾರ್ಥನೆ ಸಲ್ಲಿಸಿದರು.