ಅಬ್ಬರದ ಮಳೆ ಜನರದಲ್ಲಿ ಸಮಾಧಾನ

ಮಳೆ ಬೀಳದೆ ಒಂದೆಡೆ ರೈತರು ಸಂಕಷ್ಟಕ್ಕೆ ಸಿಲುಕಿದ್ದರೆ, ಇನ್ನೊಂದೆಡೆ ಜಲಾಶಯ ನೀರಿನ ಕೊರತೆ ಎದುರಿಸುತ್ತಿವೆ. ದಿನದಿಂದ ದಿನಕ್ಕೆ ಬಿಸಿಲಿನ ಪ್ರಮಾಣದಲ್ಲಿ ಏರಿಕೆಯಾಗುತ್ತಲೇ ಇರುವುದು ಜನರ ಬೇಸರಕ್ಕೆ ಕಾರಣವಾಗಿತ್ತು. ಶುಕ್ರವಾರ ಸಂಜೆ ಐದು ಗಂಟೆ ಸುಮಾರಿಗೆ ಆರಂಭವಾದ ಮಳೆ ಸುಮಾರು ಒಂದು ತಾಸು ಸುರಿಯಿತು.

ಬೀದಿಬದಿಯ ವ್ಯಾಪಾರಿಗಳು, ದೈನಂದಿನ ಕೆಲಸ ಮುಗಿಸಿಕೊಂಡು ವಾಪಸ್ ಮನೆ ತಲುಪುವ ಧಾವಂತದಲ್ಲಿದ್ದ ಜನರಿಗೆ ಮಳೆಯಿಂದ ಮನೆ ತಲುಪುವುದು ವಿಳಂಬವಾಯಿತಾದರೂ ಕೊನೆಗೂ ಮಳೆ ಸುರಿಯತಲ್ಲ ಎನ್ನುವ ಸಮಾಧಾನ ಲಭಿಸಿತು.