ವಹಿಸಿದ ಜವಾಬ್ದಾರಿ ಅಚ್ಚುಕಟ್ಟಾಗಿ ನಿಭಾಯಿಸಿ

ಪಟ್ಟಣದ ಎಸಿ ಕಚೇರಿ ಸಭಾಂಗಣದಲ್ಲಿ ಮಂಗಳವಾರ ಏರ್ಪಡಿಸಿದ್ದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡಿದರು. ರಥ ಬೀದಿ ಸಮತಟ್ಟು ಮಾಡಿ ನೀರು ಸಿಂಪಡಿಸಬೇಕು. ರಥದ ಗಾಲಿಗಳನ್ನು ಪರೀಕ್ಷಿಸಬೇಕು ಎಂದು ಪಿಡಬ್ಲುೃಡಿ ಅಧಿಕಾರಿ ಭಾಗ್ಯಶ್ರೀ ಅವರಿಗೆ ಸೂಚಿಸಿದರು. 

ದೇವಸ್ಥಾನದಲ್ಲಿರುವ ಶುದ್ಧ ಕುಡಿವ ನೀರಿನ ಘಟಕ ದುರಸ್ತಿಗೊಳಿಸಬೇಕು. ಯಾವುದೇ ಕಾರಣಕ್ಕೂ ಕುಡಿವ ನೀರಿನ ಸಮಸ್ಯೆ ಆಗಬಾರದು. ಮೂರು ದಿನಗಳಲ್ಲಿ ನೀರಿನ ವ್ಯವಸ್ಥೆ ಮಾಡಬೇಕು. ಅಲ್ಲಿರುವ ಬಜಾರ ಬಾವಿ, ಬೋರ್‌ವೆಲ್, ನಾರಾಯಣಪುರ ಬಲದಂಡೆ ಕಾಲುವೆ ನೀರನ್ನು ಬಳಸಿಕೊಳ್ಳಲು ಕ್ರಮ ವಹಿಸಬೇಕೆಂದು ಕುಡಿವ ನೀರು ಮತ್ತು ನೈರ್ಮಲ್ಯ ಇಲಾಖೆ ಎಇಇ ಪರಮೇಶ್ವರ ಟೆಂಗಳಿಕರ, ದೇವರಭೂಪೂರ ಗ್ರಾಪಂ ಪಿಡಿಒ ಬಸವರಾಜ ವಸ್ತ್ರದಗೆ ಎಸಿ ತಿಳಿಸಿದರು. 

ಹೊಸ ಮಹಿಳಾ ಶೌಚಗೃಹ ಹಾಗೂ ವಿವಿಧ ಶೌಚಗೃಹಗಳ ಸರಿಪಡಿಸಿ ಭಕ್ತರಿಗೆ ಅನುಕೂಲ ಮಾಡಿಕೊಡಲು ಮುಂದಾಗಬೇಕು. ದೇವಸ್ಥಾನ ವಿವಿಧ ಕೊಠಡಿಗಳಿಗೆ ಸುಣ್ಣ ಬಣ್ಣ ಹಚ್ಚಿ ಸುಂದರಗೊಳಿಸಬೇಕು. ದೇವಸ್ಥಾನದ ಮುಂಭಾಗದಲ್ಲಿ ಮಿಠಾಯಿ, ಸ್ಟೇಷನರಿ, ಬಳೆ, ಬಾಂಡೆ, ಹೋಟೆಲ್ ವಿವಿಧ ಅಂಗಡಿಗಳನ್ನು ಹಾಕಲು ಸರ್ವೇಯರ್ ಮೂಲಕ ಅಳತೆ ಮಾಡಿಸಿ ಹರಾಜು ಮೂಲಕ ಒದಗಿಸಬೇಕು ಎಂದು ದೇವಸ್ಥಾನದ ಅಧಿಕಾರಿ ಹನುಮೇಶಗೆ ಸೂಚಿಸಿದರು. 

ಜಾತ್ರೆಗೆ ಬರುವ ಭಕ್ತರಿಗಾಗಿ ವಿಶೇಷ ಬಸ್‌ಗಳನ್ನು ಬಿಡಬೇಕು. ಬಸ್ ಪ್ರಯಾಣಿಕರ ತಂಗುದಾಣ ನಿರ್ಮಿಸಿ ಅನುಕೂಲ ಮಾಡಬೇಕೆಂದು ಸಾರಿಗೆ ಘಟಕದ ಅಧಿಕಾರಿ ಮಹಾರುದ್ರಪ್ಪಗೆ ಎಸಿ ಸೂಚನೆ ನೀಡಿದರು.  ದನಗಳ ಜಾತ್ರೆಯೂ ನಡೆಯಲಿದ್ದು, ಕುಡಿವ ನೀರು, ಬೆಳಕು ಸೇರಿ ಅಗತ್ಯ ವ್ಯವಸ್ಥೆ ಮಾಡಬೇಕು ಎಂದು ಎಪಿಎಂಸಿ ಕಾರ್ಯದರ್ಶಿ ನೀಲಪ್ಪ ಶೆಟ್ಟಿ ಅವರಿಗೆ ತಿಳಿಸಿದರು.

ಪಿಐ ಹೊಸಕೇರಪ್ಪ ಮಾತನಾಡಿ, ಜಾತ್ರೆಯಲ್ಲಿ ಸೂಕ್ತ ಬಂದೋಬಸ್ತ್ ಏರ್ಪಡಿಸಲಾಗುವುದು. ಸಿಸಿ ಕ್ಯಾಮರಾ, ವಾಚ್ ಟವರ್‌ಗಳನ್ನು ಅಳವಡಿಸಿ ಅಹಿತಕರ ಘಟನೆ ನಡೆಯದಂತೆ ನಿಗಾವಹಿಸಲಾಗುವುದು ಎಂದು ಸಭೆಗೆ ತಿಳಿಸಿದರು.