ರಾಯಚೂರು

ಮೇ 17 ರಿಂದ ಜೂ.15 ರವರೆಗೆ ಜ್ಞಾನಸತ್ರ ಕಾರ್ಯಕ್ರಮ

ದಾನಪ್ಪ ಯಾದವ್
ದಾನಪ್ಪ ಯಾದವ್
ರಾಚಯ್ಯ ಸ್ವಾಮಿ
Published on: 
ರಾಯಚೂರು.
ಶ್ರೀ ಜೋಡು ವೀರಾಂಜನೇಯ ದೇವಸ್ಥಾನ ಟ್ರಸ್ಟ್ ಹಾಗೂ ದಾಸ ಸಾಹಿತ್ಯ ಪ್ರಾಜೆಕ್ಟ್ ತಿರುಪತಿ ದೇವಸ್ಥಾನದ ಸಹಯೋಗದಲ್ಲಿ ಅಧಿಕ ಜೇಷ್ಠ ಮಾಸ ನಿಮಿತ್ತ ಮೇ 17 ರಿಂದ ಜೂನ್ 15ವರಗೆ ವಿಶೇಷ ಜ್ಞಾನಸತ್ರ ಕಾರ್ಯಕ್ರಮ ಆಯೋಜಿಸಲಾಗಿದೆಂದು ಟ್ರಸ್ಟ್‌ನ ಅಧ್ಯಕ್ಷ ದಾನಪ್ಪ ಯಾದವ ಹೇಳಿದರು.

ನಗರದ ಪತ್ರಿಕಾ ಭವನದಲ್ಲಿ ಗುರುವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಮೇ 17 ರಂದು ಸಂಜೆ 5.30ಕ್ಕೆ ಮಂತ್ರಾಲಯದ ಶ್ರೀ ರಾಘವೇಂದ್ರ ಮಠದ ಪೀಠಾಧಿಪತಿ ಶ್ರೀ ಸುಬುಧೇಂದ್ರ ತೀರ್ಥರು ಜ್ಞಾನಸತ್ರ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ.

ಉಡುಪಿ ಕಾಣಿಯೂರ ಮಠದ ಶ್ರೀ ವಿದ್ಯಾವಲ್ಲಭ ತೀರ್ಥರ ಸಾನಿಧ್ಯದಲ್ಲಿ ಕಾರ್ಯಕ್ರಮ ಪ್ರಾರಂಭವಾಗಲಿದೆ. ಸಂಜೆ 6.30ಕ್ಕೆ ಜಾಯಂತೇಯೋಪಾಖ್ಯಾನ ವಿಷಯದ ಕುರಿತ ಪವಮಾನಾಚಾರ್ಯ ಪಂಚಮುಖಿಯವರಿಂದ ಉಪನ್ಯಾಸ ನಡೆಯಲಿದೆ.
ಮೇ 18 ರಿಂದ 20ವರೆಗೆ ಶ್ರೀ ವಿದ್ಯಾವಲ್ಲಭ ತೀರ್ಥರಿಂದ ಕೃಷ್ಣ ಜಾರಿತ್ಯ ಮಂಜರಿ ಕುರಿತು ಉಪನ್ಯಾಸ, ಮೇ 21 ರಿಂದ 24 ವರೆಗೆ ಬೆಂಗಳೂರಿನ ಜೆ.ಪಿ. ನಾಗರಾಜ ರಿಂದ ಸರಸ ಭಾರತೀವಿಲಾಸ ವಿಷಯವಾಗಿ ಉಪನ್ಯಾಸ, ಮೇ 23 ರಂದು ಪವಮಾನ ಹೋಮ ಬೆಳಗ್ಗೆ 7 ಗಂಟೆಗೆ ಪೂರ್ಣಾಹುತಿ. ಪೂಜೆ, ತೀರ್ಥ ಪ್ರಸಾದ ನಡೆಯಲಿವೆ. ಮೇ 25 ರಿಂದ 27 ವರೆಗೆ ಉದ್ಭವ ಗೀತೆ ಕುರಿತು ರಮೇಶ ವಾಸುದೇವ ಗಮಕಿಯವರಿಂದ ಉಪನ್ಯಾಸ, ಮೇ 28 ರಂದು ನಾಮ ಸ್ಮರಣೆ ಮಹತ್ವದ ಕುರಿತು ಶ್ರೀ ಹರಿಆಚಾರ್ಯ ಇವರಿಂದ ಉಪನ್ಯಾಸ, ಮೇ 29 ರಿಂದ 31 ವರಗೆ ಪುರಂದರದಾಸರು ಮತ್ತು ಕನಕದಾಸರ ಸಾಹಿತ್ಯದ ಕುರಿತು ವಿಜಯ ಸಿಂಹಾಚಾರ್ಯ ತೋಟಂತಿಲ್ಲಾಯ ಇವರಿಂದ ಉಪನ್ಯಾಸ ನಡೆಯಲಿದೆ.
ಮೇ 31 ರಂದು ಬೆಳಗ್ಗೆ 8.30ಕ್ಕೆ ಅಷ್ಟೋತ್ತರ ಸಾಮೂಹಿಕ ಸತ್ಯನಾರಾಯಣ. ಪೂಜೆ ಸೇರಿ ಜೂನ್ 15ರವರೆಗೆ ವಿವಿಧ ಕಾರ್ಯಕ್ರಮಗಳು ನಡೆಯಲಿವೆ ಎಂದರು.

ಈ ಸಂದರ್ಭದಲ್ಲಿ ಕಾರ್ಯಾಧ್ಯಕ್ಷ ವೇಣಗೋಪಾಲ ಇನಾಂದಾರ, ಪ್ರಮುಖರಾದ ನರಸಿಂಗ್‌ರಾವ ದೇಶಪಾಂಡೆ, ಡಾ.ವೆಂಕಟೇಶ ನವಲಿ, ಅಶೋಕ ನಾಯಕ, ಗುರುರಾಜ ಕುಲ್ಕರ್ಣಿ ಇದ್ದರು.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net