ಆರ್ಯವೈಶ್ಯ ಸಮಾಜದಿಂದ ಜಾಗತಿಕ ಉದ್ಯೋಗ ಸಮ್ಮೇಳನ

ನಗರದ ಪತ್ರಿಕಾ ಭವನದಲ್ಲಿ ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಪ್ರಧಾನಿ ನರೇಂದ್ರ ಮೋದಿಯವರ ವಿಕಸಿತ ಭಾರತ ಘೋಷಣೆಯನ್ನು ಬೆಂಬಲಿಸಿ ಐದು ರಾಜ್ಯಗಳ ಹೂಡಿಕೆದಾರರನ್ನು ಆಹ್ವಾನಿಸಲು ಉದ್ದೇಶಿಸಿಲಾಗಿದ್ದು, ಒಂದು ಲಕ್ಷ ಜನ ಭಾಗವಹಿಸುವ ನಿರೀಕ್ಷೆಯಿದ್ದು ದೇಶ ವಿದೇಶಗಳ 40 ಪರಿಣಿತರು ಆಗಮಿಸಿ ವಿವಿಧ ಕೈಗಾರಿಕೆಗಳು, ಸಾರ್ಟಪ್‌ಗಳ ಸ್ಥಾಪನೆ ಕುರಿತು ಮಾಹಿತಿ ಒದಗಿಸಲಿದ್ದಾರೆ. ಲೋಕಸಭೆ ಸಭಾಪತಿ ಓಂ ಬಿರ್ಲಾ ಅವರನ್ನು ಉದ್ಘಾಟನೆಗೆ ಆಹ್ವಾನಿಸಲಾಗಿದೆ. 2 ಲಕ್ಷ ಉದ್ಯೋಗ ಸೃಷ್ಟಿಸುವ ಉದ್ದೇಶ ನಮ್ಮದಾಗಿದೆ ಎಂದರು.

ಆರ್ಯವೈಶ್ಯ ಸಮಾಜದರೊಂದಿಗೆ ಇತರೆ ಸಮಾಜದವರೂ ಸಹ ಜಾಗತಿಕ ಸಮಾವೇಶದಲ್ಲಿ ಭಾಗವಹಿಸಬಹುದಾಗಿದೆ. ವೈಶ್ಯ ಬ್ಯಾಂಕ್ ಸ್ಥಾಪಿಸಿರುವ ಹೆಮ್ಮೆ ಮಹಾಸಭಾಕ್ಕಿದೆ. ಸಮಾಜ ಮಕ್ಕಳಿಗೆ ವಸತಿ ಶಾಲೆ, ವಿದ್ಯಾರ್ಥಿಗಳಿಗೆ ಆರ್ಥಿಕ ನೆರವು ನೀಡುವ ಯೋಜನೆ ಜಾರಿಗೊಳಿಸಲಾಗಿದೆ. 200 ವಿದ್ಯಾರ್ಥಿಗಳಿಗೆ ಉಚಿತ ಲಾಪ್ ಟ್ಯಾಪ್ ವಿತರಿಸಲಾಗಿದೆ ಎಂದರು.

ಆರ್ಯವೈಶ್ಯ ಸಮಾಜದ ಜಿಲ್ಲಾಧ್ಯಕ್ಷ ಸಾವಿತ್ರಿ ಪುರುಷೋತ್ತಮ ಮಾತನಾಡಿ, ಪ್ರಥಮ ಬಾರಿಗೆ ಆರ್ಯವೈಶ್ಯ ಸಮಾಜದ ಪೀಠಾಧಿಪತಿ ಶ್ರೀ ಚ್ಚಿದಾನಂದ ಸರಸ್ವತಿ ಮಹಾಸ್ವಾಮೀಜಿಯವರು ಜು.17 ರಿಂದ 19 ರವರೆಗೆ ವಿವಿಧ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲಿದ್ದಾರೆ. ನಗರದ ಗಂಜ್ ಕಲ್ಯಾಣ ಮಂಟಪದಿಂದ ಪುರಪ್ರವೇಶ, ಶೋಭಾಯಾತ್ರೆ ನಡೆಯಲಿದೆ. ಆರ್ಯವೈಶ್ಯ ಮಹಿಳೆಯರಿಂದ ಶ್ರೀವಾಸವಿದೇವಿಗೆ ಶತಕಂಠ ಗಾಯನ ನಡೆಯಲಿದೆ. ಸಂಜೆ ಶ್ರೀಗಳಿಂದ ಆರ್ಶೀವಚನ ನಡೆಯಲಿದೆ. ಪೂರ್ಣಕುಂಭದೊಂದಿಗೆ ಮಹಿಳೆಯರು 108 ಕಳಸದೊಂದಿಗೆ ವಿವಿಧ ವಾದ್ಯಗಳ ಮೂಲಕ ಮೆರವಣಿಗೆ ಶ್ರೀ ನಗರೇಶ್ವರ ದೇವಸ್ಥಾನಕ್ಕೆ ಅಗಮಿಸಲಿದೆ ಎಂದರು.

ಜು.18 ರಂದು ಬೆಳಗ್ಗೆ ಗೋ ಪೂಜೆ, ಅಭಿಷೇಕ, ಗಣಪತಿ ಹೋಮ, ಆವಂತಿ ಹೋಮ ನಂತರ ಮಹಿಳೆಯರಿಂದ ಕುಂಕುಮಾರ್ಚನೆ ಸಂಜೆ 6.30ಕ್ಕೆ ಶ್ರೀಗಳಿಂದ ಪ್ರವಚನ ಕಾರ್ಯಕ್ರಮ ನಡೆಯಲಿದೆ. ಜು.19 ರಂದು ಬೆಳಗ್ಗೆ ಶ್ರೀ ಕನ್ನಿಕಾಪರಮೇಶ್ವರಿ ಅಮ್ಮನವರಿಗೆ ವಿಶೇಷ ಪೂಜೆ, ಶ್ರೀಗಳಿಗೆ ಪುಷ್ಪಾಭಿಷೇಕ ಕಾರ್ಯಕ್ರಮಗಳು ನಡೆಯಲಿದ್ದು ಆರ್ಯವೈಶ್ಯ ಸಮಾಜ ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಮನವಿ ಮಾಡಿದರು.

ಈ ಸಂದರ್ಭದಲ್ಲಿ ಮಹಾಸಭಾ ಹಿರಿಯ ಉಪಾಧ್ಯಕ್ಷ ಕುಂಟ್ನಾಳ ವೆಂಕಟೇಶ, ಸಿ,ಪದ್ಮರಾಜ, ಬಿ.ಜಗದೀಶಗುಪ್ತಾ, ರವಿಕಮಾರ, ಹನುಮಂತಯ್ಯ ಶೆಟ್ಟಿ ಸಿರಗುಪ್ಪ ಇದ್ದರು.