ಒಳಮೀಸಲಾತಿಯಡಿ ಹುದ್ದೆ ಭರ್ತಿ ಮಾಡಿ

ಮಸ್ಕಿ: ರಾಜ್ಯ ಸರ್ಕಾರ 56,431 ಖಾಲಿ ಹುದ್ದೆಗಳನ್ನು ತುಂಬಲು ನಿರ್ಧರಿಸಿದ್ದು, ಹಿಂದಿನ ಮೀಸಲಾತಿ ಕೈಬಿಟ್ಟು ಹೊಸ ಮೀಸಲಾತಿಯಡಿ ಭರ್ತಿ ಮಾಡಲು ಒತ್ತಾಯಿಸಿ ಪಟ್ಟಣದ ಡಾ.ಬಿ.ಆರ್ ಅಂಬೇಡ್ಕರ್ ಮೂರ್ತಿ ಬಳಿ ಪ್ರತಿಭಟನೆ ಮಾಡಿದ ದಲಿತಪರ ಸಂಘಟನೆಗಳ ಪ್ರಮುಖರು ತಹಸೀಲ್ದಾರ್ ಮಂಜುನಾಥ ಭೋಗಾವತಿಗೆ ಮನವಿ ಸಲ್ಲಿಸಿದರು.

ಜಿಪಂ ಮಾಜಿ ಸದಸ್ಯ ಎಚ್.ಬಿ.ಮುರಾರಿ ಮಾತನಾಡಿ, ಮಾದಿಗ ಸಮುದಾಯ ಒಳಮೀಸಲಾತಿಗಾಗಿ ಹಲವಾರು ವರ್ಷಗಳಿಂದ ಹೋರಾಟ ಮಾಡಿಕೊಂಡು ಬಂದಿದೆ. ಈಗ ಈ ಸಮುದಾಯಕ್ಕೆ ಅನ್ಯಾಯವಾಗಲಿದೆ ಎಂಬ ಗುಮಾನಿ ಎದ್ದಿದ್ದು ಅದಕ್ಕೆ ಅವಕಾಶ ಕೊಡಬಾರದು. ಎಸ್ಸಿಪಿ, ಟಿಎಸ್ಪಿ ಅನುದಾನವನ್ನು ಸಂಪೂರ್ಣವಾಗಿ ಬಳಕೆ ಮಾಡಬೇಕು. ನಾಗಮೋಹನದಾಸ್ ವರದಿಯ ಒಳ ಮೀಸಲಾತಿ ಸಂಪೂರ್ಣವಾಗಿ ಜಾರಿಗೊಳಿಸಬೇಕು. ಫೆ.27ರಂದು ಸಚಿವ ಸಂಪುಟ ಸಭೆಯಲ್ಲಿ ತೆಗೆದುಕೊಂಡ ನಿರ್ಧಾರವನ್ನು ಹಿಂದಕ್ಕೆ ಪಡೆಯಬೇಕು. ಹಳೆಯ ಮೀಸಲಾತಿ ಕೈಬಿಟ್ಟು, ಹೊಸ ಒಳಮೀಸಲಾತಿ ಪ್ರಕಾರ ನೇಮಕಾತಿ ಮಾಡಿಕೊಳ್ಳಬೇಕು ಎಂದು ಒತ್ತಾಯಿಸಿದರು.

ಜಿಪಂ ಮಾಜಿ ಸದಸ್ಯ ದೊಡ್ಡಪ್ಪ ಮುರಾರಿ, ಮುಖಂಡರಾದ ಹನುಮಂತಪ್ಪ ವೆಂಕಟಾಪುರ, ಮಲ್ಲಯ್ಯ ಬಳ್ಳಾ, ಮೌನೇಶ ಮುರಾರಿ, ಅಶೋಕ ಮುರಾರಿ, ಕಿರಣ ಮುರಾರಿ ಮಾತನಾಡಿದರು. ಪುರಸಭೆ ಸದಸ್ಯದೊಡ್ಡಕರಿಯಪ್ಪ, ಪ್ರಮುಖರಾದ ಮಲ್ಲಯ್ಯ ಮುರಾರಿ, ಬಾಲಸ್ವಾಮಿ ಜಿನ್ನಾಪುರ, ಯಮನಪ್ಪ ಛಲವಾದಿ, ಹನುಮಂತಪ್ಪ ಪರಾಪುರ, ದುರಗಪ್ಪ ಡಬ್ಬೇರಮಡು, ಪರಶುರಾಮ ಅಂಕುಶದೊಡ್ಡಿ, ಮೌನೇಶ ತುಗ್ಗಲದಿನ್ನಿ ಹಾಗೂ ಇತರರು ಇದ್ದರು.