ವಿದ್ಯುತ್ ಇಲ್ಲದೆ ಬೆಳೆ ಹಾಳಾಗುವ ಭೀತಿ

ಈ ಪರಿವರ್ತಕದ ಮೂಲಕ ಸುಮಾರು 20 ಎಕರೆ ಜಮೀನುಗಳಿಗೆ ವಿದ್ಯುತ್ ಸರಬರಾಜು ಆಗುತ್ತಿದ್ದು, ಹತ್ತಕ್ಕೂ ಹೆಚ್ಚು ಮನೆಗಳೂ ಅವಲಂಬಿಸಿವೆ. ಟಿಸಿ ದುರಸ್ತಿಗೆ ಜೆಸ್ಕಾಂ ಅಧಿಕಾರಿಗಳಿಗೆ ರೈತರು ತಿಳಿಸಿದ್ದಾರೆ. 63 ಕೆ.ವಿ ಸಾಮರ್ಥ್ಯದ ಟಿಸಿ ಮಂಜೂರಾಗಿದೆ. ಆದರೆ, ವಿತರಣೆಯಲ್ಲಿ ವಿಳಂಬವಾಗುತ್ತಿದೆ.

 ಸ್ಟಾಕ್ ಕೊರತೆ ಸೇರಿದಂತೆ ವಿವಿಧ ಕಾರಣಗಳನ್ನು ನೀಡಿ ಅಧಿಕಾರಿಗಳು ಅಲೆದಾಡಿಸುತ್ತಿದ್ದಾರೆ ಎಂದು ರೈತರು ಆರೋಪಿಸಿದ್ದಾರೆ. ಇದರಿಂದ ಶೇಂಗಾ, ಸಜ್ಜೆ, ಉಳ್ಳಾಗಡ್ಡಿ ಸೇರಿದಂತೆ ವಿವಿಧ ಬೆಳೆಗಳು ನೀರಾವರಿ ಸೌಲಭ್ಯವಿಲ್ಲದೆ ಹಾಳಾಗುವ ಭೀತಿ ಕಾಡುತ್ತಿದೆ. ಕೂಡಲೇ ಟಿಸಿ ದುರಸ್ತಿ ಮಾಡಬೇಕೆಂದು ರೈತರು ಒತ್ತಾಯಿಸಿದ್ದಾರೆ. 

"