ಕಲುಷಿತ ನೀರು-ಆಹಾರ ಸೇವಿಸದಿರಿ

ರಾಷ್ಟ್ರೀಯ ಜಂತುಹುಳು ನಿವಾರಣೆ ದಿನ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಸೋಮವಾರ ಮಾತನಾಡಿದರು. ಮನುಷ್ಯ ಹಾಗೂ ಪ್ರಾಣಿಗಳ ಕರುಳಿನಲ್ಲಿ ಬೆಳೆಯುವ ಜಂತುಹುಳುಗಳು ಪರಾವಲಂಬಿಗಳಾಗಿವೆ. ಕಲುಷಿತ ನೀರು, ಆಹಾರ ಹಾಗೂ ಸ್ವಚ್ಛತೆ ಕೊರತೆಯಿಂದ ಇವು ದೇಹವನ್ನು ಸೇರುತ್ತವೆ. ಹೊಟ್ಟೆ ನೋವು, ಹಸಿವು ಕಡಿಮೆಯಾಗುವುದು, ತೂಕ ಇಳಿಕೆ, ಗುದದ್ವಾರದ ಬಳಿ ತುರಿಕೆ, ಸುಸ್ತು ಹಾಗೂ ರಕ್ತಹೀನತೆ ಮುಂತಾದ ಲಕ್ಷಣಗಳು ಕಂಡುಬಂದಲ್ಲಿ ವೈದ್ಯರನ್ನು ಸಂಪರ್ಕಿಸಬೇಕು ಎಂದರು.

ತಾಲೂಕು ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿ ಗೀತಾ ಹಿರೇಮಠ್ ಮಾತನಾಡಿ, ಜಂತುಹುಳು ಬಾಧೆಯಿಂದ ಮಕ್ಕಳಲ್ಲಿ ಅಪೌಷ್ಟಿಕ ಹಾಗೂ ರಕ್ತಹೀನತೆ ಉಂಟಾಗಿ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆ ಕುಂಠಿತವಾಗುವ ಸಾಧ್ಯತೆ ಇದೆ. ಸ್ವಚ್ಛತೆ ಹಾಗೂ ಸೂಕ್ತ ಆರೋಗ್ಯ ಕ್ರಮಗಳ ಮೂಲಕ ಜಂತುಹುಳು ಬಾಧೆಯನ್ನು ಸುಲಭವಾಗಿ ನಿಯಂತ್ರಿಸಬಹುದು ಎಂದರು.

ಪ್ರಮುಖರಾದ ನಜ್ಮಾ, ಮಲ್ಲಪ್ಪ, ಜಗದೀಶ, ವಿನೋದ, ಆಶಾ ಕಾರ್ಯಕರ್ತೆಯರಾದ ಅಮೃತಾಬಾಯಿ, ಕವಿತಾ, ಯಶೋದಾ, ಹುಲಿಗೆಮ್ಮ, ಗಂಗಮ್ಮ, ಮಾಶಾಬಿ ಇತರರಿದ್ದರು.