ಈರುಳ್ಳಿ ಬೆಲೆ ಕುಸಿತದ ನಂತರ ರೋಗಬಾಧೆ ಕಾಟ

ಪ್ರಮುಖ ಮುಖ್ಯಾಂಶಗಳು

• ಕ್ರಿಮಿನಾಶಕ ಸಿಂಪಡಿಸಲು ರೈತರ ಹಿಂದೇಟು
• ಕವಿತಾಳ ಭಾಗದಲ್ಲಿ ಬೆಳೆ ನಾಶಕ್ಕೆ ಮುಂದು

"

ಎರಡು ಎಕರೆಯಲ್ಲಿ ಒಂದು ಲಕ್ಷ ರೂ.ಗೂ ಹೆಚ್ಚು ಖರ್ಚು ಮಾಡಿ ಈರುಳ್ಳಿ ನಾಟಿ ಮಾಡಿದ್ದೇವೆ. ಬೆಲೆಯಿಲ್ಲದ ಕಾರಣ ಕೀಳದೆ ಹೊಲದಲ್ಲೇ ಬಿಟ್ಟಿದ್ದೇವೆ. ಕೊಳೆಯುತ್ತಿರುವ ಕಾರಣ ಕುರಿಗಳ ಮೇಯಿಸಲು ಕೊಟ್ಟಿದ್ದೇವೆ. ಕೆಲವರ ಈರುಳ್ಳಿ ಬೆಳೆಗೆ ರೋಗ ಕಾಣಿಸಿಕೊಂಡಿದೆ. ಸರ್ಕಾರ ಈರುಳ್ಳಿಗೆ ಬೆಂಬಲ ಬೆಲೆ ಕೊಡಬೇಕು. ಇಲ್ಲವಾದರೆ ಸೂಕ್ತ ಪರಿಹಾರ ನೀಡಬೇಕು.

— ಬಾಲಮ್ಮ ರೈತ ಮಹಿಳೆ, ಯಕ್ಲಾಸಪುರ

"

ಮಾರುಕಟ್ಟೆಯಲ್ಲಿ ಈರುಳ್ಳಿ ಬೆಲೆ ಕುಸಿತವಾಗಿರುವುದು, ರೋಗ ಬಾಧೆ ಕಾಡುತ್ತಿರುವುದು ಗಮನಕ್ಕೆ ಇದೆ. ಪರಿಹಾರ ನೀಡುವ ಪ್ರಕ್ರಿಯೆ ಸರ್ಕಾರ ಮಟ್ಟದಲ್ಲಿ ನಡೆಯುವಂತದ್ದು. ಕೆಲವೆಡೆ ಈರುಳ್ಳಿ ಬೆಳೆದರೂ ಜಿಪಿಎಸ್‌ನಲ್ಲಿ ಬೇರೆ ಬೆಳೆ ತೋರಿಸುತ್ತಿರುವುದು ಕಂದಾಯ ಇಲಾಖೆಗೆ ಸಂಬಂಧಿಸಿದ್ದಾಗಿದೆ. ನಮ್ಮ ಇಲಾಖೆಯಿಂದ ರೈತರ ತೋಟಗಳಿಗೆ ಭೇಟಿ ನೀಡಿ ಪರಿಶೀಲಿಸಲಾಗುವುದು.

— ಮಹ್ಮದ್ ಅಲಿ ಉಪನಿರ್ದೇಶಕ, ತೋಟಗಾರಿಕೆ ಇಲಾಖೆ, ರಾಯಚೂರು