ಪ್ರಭಾರ ಇಇ ವಿರುದ್ಧ ಕೇಸ್ ದಾಖಲಿಸಲು ವಿಳಂಬ

ನೀರಾವರಿ ಇಲಾಖೆಯ ಪ್ರಭಾರ ಇಇ ವಿಜಯಲಕ್ಷ್ಮೀ ಪಾಟೀಲ್ ಅವರು ತುಂಗಭದ್ರಾ ಕಾರ್ಮಿಕರ 1.10 ಕೋಟಿ ರೂ. ಕೂಲಿ ಹಣವನ್ನು ದುರ್ಬಳಕೆ ಮಾಡಿಕೊಳ್ಳುವ ಮೂಲಕ ವಂಚನೆ ಮಾಡಿದ್ದಾರೆ. ಈ ಕುರಿತು ಸಿರವಾರ ಠಾಣೆಯಲ್ಲಿ ಎರಡು ತಿಂಗಳ ಹಿಂದೆ ದೂರು ನೀಡಲಾಗಿತ್ತು. ಆದರೆ, ಈವರೆಗೆ ಪೊಲೀಸರು ಪ್ರಕರಣ ದಾಖಲಿಸಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು. 

ವಿಷಯ ತಿಳಿದು ತಹಸೀಲ್ದಾರ್ ಅಶೋಕ ಪವಾರ್ ಸ್ಥಳಕ್ಕೆ ಆಗಮಿಸಿ, ಪ್ರತಿಭಟನಾಕಾರರ ಮನವೊಲಿಸಲು ಪ್ರಯತ್ನಿಸಿದರು. ಆದರೆ, ಮುಖಂಡರು ಸ್ಥಳಕ್ಕೆ ಡಿಸಿ ಬರುವವರೆಗೆ ಪ್ರತಿಭಟನೆ ಹಿಂಪಡೆಯಲ್ಲವೆಂದು ಪಟ್ಟು ಹಿಡಿದರು. ಈ ವೇಳೆ ತಹಸೀಲ್ದಾರ್ ಮಾತನಾಡಿ, ಜಿಲ್ಲಾಧಿಕಾರಿ ಅವರು ರಜೆಯಲ್ಲಿದ್ದು, ಏ.22ರಂದು ಬರಲಿದ್ದಾರೆ. ನಂತರ ಅಧಿಕಾರಿಗಳ ನಡೆಸಿ ಸಮಸ್ಯೆ ಇತ್ಯರ್ಥಪಡಿಸಲಾಗುವುದು ಎಂದು ತಿಳಿಸಿದ ಬಳಿಕ ಮುಖಂಡರು ಮನವಿ ಸಲ್ಲಿಸಿ ಪ್ರತಿಭಟನೆ ಕೈಬಿಟ್ಟರು. 

ಸಂಘದ ಅಧ್ಯಕ್ಷ ಆರ್.ಮಾನಸಯ್ಯ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಜಿ. ಅಡವಿರಾವ್, ಟ್ರೇಡ್ ಯೂನಿಯನ್ ಸೆಂಟರ್ ಆಫ್ ಇಂಡಿಯಾ ರಾಜ್ಯ ಕಾರ್ಯದರ್ಶಿ ಎಂ. ಗಂಗಾಧರ, ಕಾರ್ಮಿಕರಾದ ರುಕಮಪ್ಪ ಮಾಡಗಿರಿ, ಅಮರೇಗೌಡ ಪಾಟೀಲ್ ಲಕ್ಕಂದಿನ್ನಿ, ರಾಮಣ್ಣ ಪೋತನಾಳ್, ಶರಣಪ್ಪ ಕವಿತಾಳ, ಹನುಮಂತ ಅಂಬಿಗ ಸಿರವಾರ, ಮಹೇಶ ಸಿರವಾರ, ರಮೇಶ ಸಿರವಾರ, ಸಿದ್ದಪ್ಪ ಗೌಡ ಗಿಲ್ಲೇಸುಗೂರು, ಹುಲಿಗೆಪ್ಪ ಕೋಟನೇಕಲ್, ಹನುಮಂತಪ್ಪ ಸಿಂಧನೂರು, ಬಸವರಾಜ ಸಿಂಧನೂರು, ಮುದುಕಪ್ಪ ಅತ್ತನೂರು, ಮುನೇಶ್ ಗೋಲದಿನ್ನಿ ಇತರರಿದ್ದರು.