ಮನುಷ್ಯರನ್ನು ವಿಭಜಿಸುವ, ದ್ವೇಷದ ಹೆಸರಿನಲ್ಲಿ ಹಿಂಸೆಯನ್ನು ಉತ್ಪಾದಿಸುವುದನ್ನು ನಿರಾಕರಿಸಬೇಕಾಗಿದೆ. ದುಷ್ಟತನ, ಕೇಡು ತತ್ವದ ಸ್ಪರ್ಷ ಪಡೆಯುವುದು ದುರಂತದ ಸಂಗತಿ. ಜಗತ್ರಿನಲ್ಲಿ ಬೇರೆ ಬೇರೆ ರೂಪದಲ್ಲಿ ಕೇಡುಗಳಿದ್ದು, ಅವುಗಳು ವಿಜೃಂಬಿಸುತ್ತಿವೆ ಎಂದು ಖೇದ ವ್ಯಕ್ತಪಡಿಸಿದರು.
ಆಹಾರಕ್ಕಾಗಿ ಜನರನ್ನು ಕೊಲ್ಲುವ ಕೆಲಸ ಭಾರತದಲ್ಲಿ ನಡೆಯುತ್ತಿದೆ. ಭಿನ್ನವಾಗಿದ್ದನ್ನು ದ್ವೇಷಿಸುವ ಕೆಲಸ ನಡೆಯುತ್ತಿದೆ. ಎಲ್ಲ ಸಾಂಸ್ಕೃತಿಕ ಚಳುವಳಿಗಳ ಉದ್ದೇಶ ಜನರನ್ನು ಜಾಗೃತರನ್ನಾಗಿ ಮಾಡುವುದಾಗಿದೆ. ಲಜ್ಜೆಯಿಲ್ಲದೆ ಮಾಂಸಹಾರಿಗಳಿಗೆ ಮನೆ ಬಾಡಿಗೆ ಕೊಡುವುದಿಲ್ಲ ಎಂದು ಬೊರ್ಡ ಹಾಕಿಕೊಳ್ಳುತ್ತಾರೆ. ಜತೆಗೆ ಬದುಕ್ಕುತ್ತಿರುವ ಜನರ ಆಹಾರ, ಸಂಸ್ಕೃತಿಯನ್ನು ಗೌರಿವಿಸಬೇಕು. ಕಲೆ ಮೂಲಕ ಮಾಡುವ ಪ್ರತಿರೋಧ ಸೋತವರ, ಕೆಳಜನರ ಪರವಾಗಿ ರುತ್ತದೆ. ಗತಕಾಲದ ಚರಿತ್ರೆಯನ್ನು ಆಯುಧವನ್ನಾಗಿ ಬಳಸಲಾಗುತ್ತಿದೆ. ಶಿವಾಜಿ, ಟಿಪ್ಪುವಿನ ಚರಿತ್ರೆಯನ್ನು ಇಟ್ಟುಕೊಂಡು ಜಾತಿ ದ್ವೇಷ ಹರಡಲಾಗುತ್ತಿದೆ. ನಮಗೆ ಬೇಡವಾದವರನ್ನು ರಾಕ್ಷಸರನ್ನಾಗಿ ಮಾಡುತ್ತಿದ್ದೇವೆ ಎಂದರು.
ಮೇಲ್ವರ್ಗದ ಸಂಸ್ಕೃತಿಯನ್ನು ಜನರ ಮೇಲೆ ಹೇರಲಾಗುತ್ತಿದೆ. ಸಾ
ಮಾನ್ಯ ಮನುಷ್ಯರನ್ನು ಆಯುಧಗಳನ್ನಾಗಿ ಮಾಡುವ ಕೆಲಸ ದೇಶದಲ್ಲಿ ನಡೆಯುತ್ತದೆ. ಚಲನಚಿತ್ರಗಳನ್ನು ದ್ವೇಷ ಹರಡಲಾಗುತ್ತಿದೆ. ಹೊಸ ಸಂಸ್ಕೃತಿಯ ಗುಲಾಮರನ್ನಾಗಿ ಮಾಡುವ ಕೆಲಸ ನಡೆಯುತ್ತಿದೆ. ನಮ್ಮ ಜನತೆಯ ಪರಂಪರೆಯನ್ನು ಅರಿತುಕೊಳ್ಳಬೇಕಾಗಿದೆ. ನಮ್ಮ ಪರಂಪರೆಯಲ್ಲಿ ನಾವು ಒಂದೆ ಸಮುದಾಯದವರು ಎಂದು ಹೇಳಿದ ಎಷ್ಟೋ ಉದಾಹರಣೆಗಳಿವೆ ಎಂದರು.
