ಎಪಿಎಂಸಿ ಆಡಳಿತ ಮಂಡಳಿ ವಜಾಮಾಡಿ

ತಾಲೂಕಿನ ತಿಂಥಣಿ ಬ್ರಿಡ್ಜ್‌ನಲ್ಲಿ ಎಪಿಎಂಸಿ ಆಡಳಿತ ಮಂಡಳಿ ಸೂಚನೆ ಮೇರೆಗೆ ಲಾರಿಗಳಿಂದ ವಂತಿಗೆ ವಸೂಲಿ ಮಾಡಲಾಗಿದೆ. ಈ ಬಗ್ಗೆ ರೈತರು ದೂರು ನೀಡಿದ್ದರಿಂದ ಜಾಲಹಳ್ಳಿ ಠಾಣೆಯಲ್ಲಿ ಅಧ್ಯಕ್ಷ ಆದನಗೌಡ ಬುಂಕಲದೊಡ್ಡಿ, ಕಾರ್ಯದರ್ಶಿ ನೀಲಪ್ಪ ಶೆಟ್ಟಿ ಸೇರಿ ನಾಲ್ವರ ವಿರುದ್ಧ ಕೇಸ್ ದಾಖಲಾಗಿದೆ.

ರೈತರ ಉತ್ಪನ್ನಗಳಿಂದ ನಿಯಮ ಬಾಹಿರವಾಗಿ ಹಣವಸೂಲಿ ಮಾಡಿದ್ದು ತೀವ್ರ ಖಂಡನೀಯ. ರೈತರು ಬೆಳೆಯುತ್ತಿರುವ ಬೆಳೆಗೆ ಸರಿಯಾದ ಬೆಲೆ ದೊರೆಯದೆ ಸಾಲದ ಬಾಧೆಯಿಂದ ಕಂಗಾಲಾದ ಸಂದರ್ಭದಲ್ಲಿ, ರೈತರ ಹಕ್ಕುಗಳನ್ನು ರಕ್ಷಿಸಬೇಕಾದ ಎಪಿಎಂಸಿ ಆಡಳಿತ ಮಂಡಳಿ ಅವ್ಯವಹಾರಕ್ಕೆ ಇಳಿದಿರುವುದು ನಾಚಿಕೆಗೇಡಿನ ಸಂಗತಿ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಕೂಡಲೇ ವಂತಿಗೆ ವಸೂಲಿ ಕೇಸ್‌ಅನ್ನು ಗಂಭೀರವಾಗಿ ಪರಿಗಣಿಸಿ ವಿಶೇಷ ತನಿಖೆ ನಡೆಸಬೇಕು. ಪಾರದರ್ಶಕ ತನಿಖೆಗಾಗಿ ಎಪಿಎಂಸಿ ಆಡಳಿತ ಮಂಡಳಿ ವಜಾ ಮಾಡಬೇಕು. ಪ್ರಕರಣದಲ್ಲಿ ಭಾಗಿಯಾದವರನ್ನು ಬಂಧಿಸಿ ನ್ಯಾಯಾಂಗ ತನಿಖೆಗೆ ಒಪ್ಪಿಸಬೇಕು ಎಂದು ಆಗ್ರಹಿಸಿದರು. ಪ್ರಮುಖರಾದ ಹನುಮಂತ ಮಡಿವಾಳ, ಬಿ.ರಂಗನಾಥ, ಮುಕ್ತುಂಪಾಷಾ, ಎಸ್.ಹನುಮಂತ, ಯುಸೂಫ್‌ಸಾಬ್, ಬಸವರಾಜ ವಂದ್ಲಿ, ನರಸಪ್ಪ, ಹನುಮಯ್ಯ ಇದ್ದರು.