ಮುದಗಲ್: ಸಮೀಪದ ಹಿರೇಲೆಕ್ಕಿಹಾಳ ಉಪ ಅಂಚೆಕಚೇರಿ ರೋಡಲಬಂಡಾದ (ಯುಕೆಪಿ) ಉಪಅಂಚೆ ಕಚೇರಿ ವಿಭಾಗಕ್ಕೆ ಸೇರಿದ್ದು, ಅದನ್ನು ಮುದಗಲ್ ಅಂಚೆ ಕಚೇರಿ ವ್ಯಾಪ್ತಿಗೆ ಸೇರಿಸಬೇಕು ಎಂದು ಹಿರೇಲೆಕ್ಕಿಹಾಳ ಭೇಟಿ ನೀಡಿದ ರಾಯಚೂರು ಜಿಲ್ಲಾ ಅಂಚೆ ಇಲಾಖೆ ಅಧೀಕ್ಷಕ ಎಚ್.ಆರ್.ಶಿವಾನಂದಗೆ ಬುಧವಾರ ಗ್ರಾಮಸ್ಥರು ಮನವಿ ಸಲ್ಲಿಸಿದರು.
ಹಿರೇಲೆಕ್ಕಿಹಾಳ ಗ್ರಾಮದ ಅಂಚೆ ಕಚೇರಿ ಕಳೆದ 3ದಶಕಗಳಿಂದ ರೋಡಲಬಂಡಾ (ಯುಕೆಪಿ) ಅಂಚೆ ಕಚೇರಿ ವ್ಯಾಪ್ತಿಗೆ ಬರುತ್ತಿದೆ. ಅಂಚೆ ಕಚೇರಿಯಿಂದ ಪತ್ರಗಳು 2-3 ದಿನಗಳ ನಂತರ ಗ್ರಾಹಕರಿಗೆ ತಲುಪುತ್ತಿವೆ.
ಈ ಹಿನ್ನೆಲೆಯಲ್ಲಿ ಸಮೀಪದ ಮುದಗಲ್ ಅಂಚೆ ಕಚೇರಿ ವಿಭಾಗಕ್ಕೆ ಬದಲಾವಣೆ ಮಾಡಿದರೆ ಸಾರ್ವಜನಿಕರಿಗೆ ಅನೂಕೂವಾಗುತ್ತಿದೆ ಎಂದರು.
