ನಗರದ ತಾಲೂಕು ಆಸ್ಪತ್ರೆ ಆವರಣದಲ್ಲಿ ಶನಿವಾರ ಜಿಲ್ಲಾಡಳಿತ, ಜಿಪಂ, ಜಿಲ್ಲಾ ಆರೋಗ್ಯ ಇಲಾಖೆ ಹಾಗೂ ತಾಲೂಕು ಆರೋಗ್ಯಾಧಿಕಾರಿಗಳ ಕಚೇರಿ, ನಗರ ಆರೋಗ್ಯ ಕೇಂದ್ರ ಮತ್ತು ಬಸವ ಪ್ಯಾರಾ ಮೆಡಿಕಲ್ ಕಾಲೇಜು ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ವಿಶ್ವ ಮಲೇರಿಯಾ ದಿನ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಈ ಹಿಂದೆ ಮಲೇರಿಯಾ ರೋಗ ಪಿಡುಗಾಗಿ ಕಾಡಿತ್ತು. 1897ರಲ್ಲಿ ರೊನಾಲ್ಡ್‌ರಾಸ್ ಅವರು ಮಲೇರಿಯಾ ಪರಾವಲಂಬಿ ಜೀವಿಗಳು ಹೆಣ್ಣು ಅನಾಫಿಲಿಸ್ ಸೊಳ್ಳೆಗಳ ಮೂಲಕ ರೋಗ ಹರಡುತ್ತದೆ ಎಂದು ಪತ್ತೆಹಚ್ಚುವ ಮೂಲಕ ವೈದ್ಯಕೀಯ ಲೋಕದಲ್ಲಿ ಹೊಸ ಕ್ರಾಂತಿ ನಡೆಸಿದ್ದರು. ಮಲೇರಿಯಾ ನಿಯಂತ್ರಿಸಲು ಈ ಸಂಶೋಧನೆ ಪ್ರಮುಖ ಅಡಿಪಾಯವಾಗಿದೆ ಎಂದರು.

ಹಿರಿಯ ಆರೋಗ್ಯ ನಿರೀಕ್ಷಣಾಧಿಕಾರಿ ರಂಗನಾಥ ಮಾತನಾಡಿ, ಮಲೇರಿಯಾ ರೋಗದಿಂದ ಸಂಭವಿಸುವ ಸಾವು-ನೋವು ತಡೆಯಲು ಸರ್ಕಾರಗಳು ರಾಷ್ಟ್ರೀಯ ವಾಹಕ ಆಶ್ರಿತ ರೋಗಗಳ ನಿಯಂತ್ರಣ ಕಾರ್ಯಕ್ರಮದಡಿ ಸೊಳ್ಳೆಗಳ ನಿಯಂತ್ರಣಕ್ಕೆ ಲಾರ್ವಾ ಸಮೀಕ್ಷೆ, ಫಾಗಿಂಗ್ ಮತ್ತು ಉಚಿತ ಚಿಕಿತ್ಸೆಯಂಥ ಹಲವು ಕಟ್ಟುನಿಟ್ಟಿನ ಕ್ರಮಗಳನ್ನು ಜಾರಿಗೊಳಿಸಿವೆ ಎಂದು ತಿಳಿಸಿದರು.

ತಾಲೂಕು ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿ ಗೀತಾ ಹಿರೇಮಠ, ವಿಬಿಡಿ ಮೇಲ್ವಿಚಾರಕ ಎಫ್.ಎ.ಹಣಗಿ, ಆರೋಗ್ಯ ನಿರೀಕ್ಷಕ ಸಂಗನಗೌಡ, ಬಸವ ಪ್ಯಾರಾ ಮೆಡಿಕಲ್ ಕಾಲೇಜ್‌ನ ಎಸ್.ಬಿ.ಮೇಘಾ, ಮಂಜುಳಾ, ರಾಮಾಂಜನೇಯ, ಎನ್‌ಸಿಡಿ ಮುತ್ತಮ್ಮ, ಎಲ್‌ಟಿಒ ಗಾಯತ್ರಿ, ಪ್ರಮುಖರಾದ ಕಲ್ಮೇಶ, ಜವಳಗೇರಾದ ಅಂಬವ್ವ, ಮಹೇಶ ತುರ್ವಿಹಾಳ, ಪರಮೇಶ ಪಾಟ್ನೆ, ರವಿರಾಜ, ಕಮಲಾ, ಶಾಂತಾ, ರಡ್ಡೆಪ್ಪಗೌಡ ಇದ್ದರು.