ಭಾವೈಕ್ಯ ಸಾರಿದ ಮೊಹರಂಗೆ ಸಂಭ್ರಮದ ತೆರೆ

ಪಟ್ಟಣದ ಕಿಲ್ಲಾ, ಮೇಗಳಪೇಟೆ, ವೆಂಕಟರಾನಪೇಟೆ ಸೇರಿದಂತೆ ವಿವಿಧ ವಾರ್ಡ್‌ಗಳಲ್ಲಿ ಪ್ರತಿಷ್ಠಾಪಿಸಿದ್ದ ಆಲಂಗಳನ್ನು ಸಕಲ ವಾದ್ಯ ಮೇಳಗಳೊಂದಿಗೆ ಸವಾರಿ ಮೂಲಕ ಐತಿಹಾಸಿಕ ಎರಡು ಸುತ್ತಿನ ಕೋಟೆ ಮುಂಭಾಗಕ್ಕೆ ಮೆರವಣಿಗೆ ಮೂಲಕ ತರಲಾಯಿತು. ಆದರೆ, ಆಲಂಗಳು ಕೋಟೆ ಮಂಭಾಗಕ್ಕೆ ತಡವಾಗಿ ಆಗಮಿಸಿದ್ದು ಹಾಗೂ ಮಳೆ ಸುರಿದ ಕಾರಣ ಭಕ್ತಗಣ ಚದುರಿ ಹೋದ ಹಿನ್ನೆಲೆಯಲ್ಲಿ ಮೊಹರಂ ಕೊಂಚ ಮಂಕಾಯಿತು. 

ನಂತರ ಪರಸ್ಪರ ಆಲಂಗಳ ಭೇಟಿ ಕಾರ್ಯಕ್ರಮ ಸಹಸ್ರಾರು ಭಕ್ತರ ಸಮ್ಮುಖದಲ್ಲಿ ನೆರವೇರಿತು. ಭಕ್ತರು ಬಾಳೆಹಣ್ಣು, ಉತ್ತತ್ತಿ ಹಾಗೂ ಇತರ ಸಿಹಿ ಪದಾರ್ಥಗಳನ್ನು ಆಲಂಗಳ ಮೇಲೆ ತೂರಿ ಭಕ್ತಿ ಸಮರ್ಪಿಸಿದರು. ಪ್ರತಿ ವರ್ಷದಂತೆ ಈ ವರ್ಷವೂ ಮೊಹರಂ ಹಬ್ಬಕ್ಕೆ ರಾಜ್ಯ, ಹೊರ ರಾಜ್ಯಗಳಿಂದ ಲಕ್ಷಾಂತರ ಭಕ್ತರು ಆಗಮಿಸಿ ಕಣ್ತುಂಬಿಸಿಕೊಂಡರು.