ವಿವಿಧ ಇಲಾಖೆಯಲ್ಲಿ ಕಾರ್ಯಾಚರಣೆ 20 ಸುಮೋಟೋ ದಾಖಲು

ನಗರದ ಜಿಲ್ಲಾಧಿಕಾರಿಗಳ ಭವನದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಜ.2ರಿಂದ 7ರವರೆಗೆ ಕಲಬುರಗಿ, ರಾಯಚೂರು, ಯಾದಗಿರಿ, ಬೀದರ, ಹಾಗೂ ವಿಜಯಪುರ ಜಿಲ್ಲೆಗಳಲ್ಲಿ 80 ಲೋಕಾಯುಕ್ತ ಪೊಲೀಸ್ ಅಧಿಕಾರಿಗಳನ್ನೊಳಗೊಂಡು 24 ತಂಡಗಳಾ ಕಾರ್ಯಾಚರಣೆಯನ್ನು ನಡೆಸಲಾಗಿದೆ. ಜಿಲ್ಲೆಯ 7 ತಾಲೂಕಿನ ಪ್ರತಿಯೊಂದು ಕಛೇಗೆ ಅಧಿಕಾರಿಗಳು ಭೇಟಿ ನೀಡಿ, ಅನೇಕ ದಾಖಲೆಗಳನ್ನು ಪರಿಶೀಲನೆ ಮಾಡಿದ್ದಾರೆ. ದಾಖಲಾತಿಯಲ್ಲಿ ಅನೇಕ ಲೋಪಗಳು ಕಂಡು ಬಂದಿವೆ. ಲೋಪದೋಷವಿದ್ದ ಅಧಿಕಾರಿ ಹಾಗೂ ಸಿಬ್ಬಂದಿ ಸೇರಿ ಒಟ್ಟು 20 ಸುಮೋಟೋ ಪ್ರಕರಣನ್ನು ದಾಖಲು ಮಾಡಲಾಗಿದೆ. ಅಪರಾಧ ಸಾಭೀತಾದರೆ ಮುಂದಿನ ಕ್ರಮ ಕೈಗೊಳ್ಳಲಾಗುತ್ತದೆ ಎಂದರು.

ಈ ಮೊದಲು 2022ರವರೆಗೆ ಲೋಕಾಯುಕ್ತದಲ್ಲಿ 8000 ಪ್ರಕರಣಗಳಿದ್ದವು. ನಂತರ ಕಳೆದ ಕೇವಲ 3 ವರ್ಷದಲ್ಲಿ 40 ಸಾವಿರ ದೂರುಗಳು ಬಂದಿದ್ದು, ಸರ್ಕಾರಿ ಅಧಿಕಾರಿಗಳ ಹಾಗೂ ಕಚೇರಿಗಳ ವಿರುದ್ಧವಾಗಿ ಬಂದಿವೆ. ಈವರೆಗೆ 20 ಸಾವಿರ ಪ್ರಕರಣಗಳನ್ನು ವಿಲೇವಾರಿ ಮಾಡಲಾಗಿದ್ದು, ಉಳಿದಂತೆ 25 ಸಾವಿರ ಪ್ರಕರಣಗಳು ಬಾಕಿ ಇದ್ದು, ವಿವರವಾದ ವರದಿ ಬಂದ ನಂತರ ಕ್ರಮಕ್ಕೆ ಮುಂದಾಗುವುದು. ಲೋಕಾಯುಕ್ತರ ವಿಚಾರಣೆಗಳೇ ಬೇರೆ, ಉಪಲೋಕಾಯುಕ್ತರ ವಿಚಾರಣೆಗಳೇ ಬೇರೆಯಾಗಿರುತ್ತವೆ. ಲೋಕಾಯುಕ್ತರು ಕ್ಲಾಸ್ 1 ಅಧಿಕಾರಿಗಳು ಹಾಗೂ ಚುನಾಯಿತ ಪ್ರತಿನಿಧಿಗಳ ವಿರುದ್ದ ಬಂದ ದೂರುಗಳನ್ನು ವಿಚಾರಣೆ ಮಾಡಿದರೆ, ಉಪಲೋಕಾಯುಕ್ತರು ಉಳಿದ ಅಧಿಕಾರಿಗಳ ಪ್ರಕರಣಗಳನ್ನು ವಿಚಾರಿಸುತ್ತಾರೆ ಎಂದರು.

ಲೋಕಾಯುಕ್ತದಿಂದ ವಿಲೇವಾರಿಯಾದ 20 ಸಾವಿರ ಪ್ರಕರಣಗಳಲ್ಲಿ ಸಾಕಷ್ಟು ಜನರಿಗೆ ಶಿಕ್ಷೆಯಾಗಿದೆ. ಸಾಕಷ್ಟು ಜನ ಉದ್ಯೋಗ ಕಳೆದುಕೊಂಡಿದ್ದಾರೆ. ವಿಚಾರಣೆ ನಡೆಸದೇ ಯಾವುದೇ ಅಧಿಕಾರಿ ಅಥವಾ ಜನಪ್ರತಿನಿಧಿಗಳಿಗೆ ಶಿಕ್ಷೆ ನೀಡಲು ಆಗುವುದಿಲ್ಲ ಎಂದರು.

ಅಕ್ರಮ ಆಸ್ತಿಗಳಿಕೆ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಅಕ್ರಮ ಆಸ್ತಿಗಳಿಕೆ ಮಾಡಿದ ಅಧಿಕಾರಿ ಅಥವಾ ಜನಪ್ರತಿನಿಧಿಗೆ ಲೋಕಾಯುಕ್ತ ಶಿಕ್ಷೆ ನೀಡುವುದಿಲ್ಲ. ಅಕ್ರಮ ಆಸ್ತಿ ಗಳಿಕೆ ಕಂಡುಬಂದಲ್ಲಿ ಮೊದಲು ಲೋಕಾಯುಕ್ತದಿಂದ ತನಿಖೆ ನಡೆದು, ಮೂಲ ವರದಿಯನ್ನು ತಯಾರಿಸಲಾಗುತ್ತದೆ. ನಂತರ ಎಫ್‌ಐಆರ್ ದಾಖಲಿಸಲಾಗುತ್ತದೆ. ಜಿಲ್ಲಾ ವಿಶೇಷ ನ್ಯಾಯಾಲಯಕ್ಕೆ ಸಲ್ಲಿಸಲಾಗುತ್ತದೆ ಆರೋಪಿಗೆ ವಿಶೆಷ ನ್ಯಾಯಾಲಯವೇ ಶಿಕ್ಷೆ ನೀಡುತ್ತದೆ ಎಂದರು.

ಈ ಸಂದರ್ಭದಲ್ಲಿ ಲೋಕಾಯುಕ್ತ ಜಿಲ್ಲಾ ನ್ಯಾಯಾಧೀಶ ಅನುಗೌಡ ಪಾಟೀಲ್, ಲೋಕಾಯುಕ್ತ ಎಸ್ಪಿ ಸತೀಶ, ಜಿಲ್ಲಾಧಿಕಾರಿ ನಿತೀಶ್ ಕೆ., ಎಸ್ಪಿ ಅರುಣಾಂಗ್ಶಿ ಗಿರಿ, ಪಾಲಿಕೆ ಆಯುಕ್ತ ಜುಬಿನ್ ಮೊಹಪಾತ್ರ , ಎಡಿಸಿ ಶಿವಾನಂದ ಭಜಂತ್ರಿ, ಪ್ರೋಬೆಷನರಿ ಐಎಎಸ್ ಅಧಿಕಾರಿ ಪುರರಾಜ್‌ಸಿಂಗ್ ಇದ್ದರು.